काठमाडौं- माथिल्लो कर्णाली जलविद्युत् आयोजनाको प्रवद्र्धक भारतीय कम्पनी जीएमआरले लगानी जुटाउन फेरि म्याद थपको प्रस्ताव गरेको छ । जीएमआरले लगानी जुटाउनका लागि लगानी बोर्डमा म्याद थपको निवेदन दिएको हो । 

जीएमआर र बोर्डबीच २०७१ सालको असोज ३ गते माथिल्लो कर्णाली जलविद्युत् आयोजना निर्माणका लागि दुई वर्षभित्र वित्तीय व्यवस्थापन गर्ने गरी परियोजना विकास सम्झौता (पीडीए) भएको थियो । दुई वर्षे म्यादभित्र लगानी जोहो गर्न नसकेपछि बोर्डले एक वर्ष म्याद थपेको थियो ।, कारोबारमा खबर छ ।