धनगढी– प्रधानमन्त्री केपी शर्मा ओलीले बुधबार सुदुरपश्चिमको प्रदेशसभा बैठकलाई सम्बोधन गर्दै हुनुहुन्छ । अहिले केही बेरमा बस्ने प्रदेशसभा बैठकलाई प्रधानमन्त्रीले सम्बोधन गर्न लाग्नु भएको हो । 

सम्बोधनका क्रममा प्रधानमन्त्री ओलीले सुदुरपश्चिमको विकासलाई प्राथमिकता दिनु हुने बताइएको छ । प्रधानमन्त्री ओलीले यसअघि प्रदेश १, २, ३, गण्डकी र प्रदेश ५ को प्रदेशसभा बैठकलाई सम्बोधन गरिसक्नु भएको छ । कर्णाली प्रदेशसभालाई सम्बोधन गर्न बाँकी छ ।

सुदुरपश्चिमका बिभिन्न कार्यक्रममा सहभागीता जनाउन हिजो धनगढी पुगेका प्रधानमन्त्री ओलीले मध्यान्ह १२ बजे नेकपाका सुदुरपश्चिम स्तरीय कार्यकर्तालाई सम्बोधन गर्ने कार्यक्रम छ । उहाँ आज साँझ काठमाडौं फर्कनुहुनेछ ।