काठमाडौं -राष्ट्रिय जनमोर्चाकी सांसद दुर्गा पौडेलले भेनेजुएलामाथि अमेरिकी हस्तक्षेपको कडा भर्त्सना गर्न सरकारसँग माग गरेकी छन् ।

प्रतिनिधिसभाको बुधवार बसेको बैठकमा बोल्दै सांसद पौडेलले स्वतन्त्र मुलुकमाथिको हस्तक्षेपका सवालमा तथस्ट बस्नु पनि अपराध भएको बताइन् ।

'सार्वभौम सम्पन्न देशमाथि अमेरिकाले ठाडो हस्तक्षेप गरेको छ,' उनले भनिन्, 'यस्तो हस्तक्षेपमा तथस्ट बस्नु पनि अपराध हो । सरकार बोल्नुपर्छ । मानवताको नाताले पनि यसको जोडदार भर्त्सना गर्नुपर्छ ।'

समाजवादी नीति अख्तियार गरेको र राष्ट्रियताको सबालमा अडान लिएकै कारण भेनेजुएलामाथि अमेरिकाले हस्तक्षेप गरेको उनको आरोप छ ।

साथै उनले भेनेजुएलाको प्रकृतिक स्रोत साधनमा अमेरिकाले गिद्दे दृष्टि लगाएको आरोप पनि लगाइन् ।