काठमाडौं- गायक धर्मेन्द्र सेवनले नयाँ गीत सार्वजनिक गरेका छन् ।

बिहीबार राजधानीमा एक कार्यक्रमकाबीच धर्मेन्द्रको शब्द, संगीत र स्वर रहेको ‘कता हिँडेकी’ बोलको गीत सार्वजनिक गरिएको हो । 

लामो समयदेखि संगीत क्षेत्रमा सक्रिय धर्मेन्द्र यस गीतबाट निकै आशावादी देखिन्छन् । ‘मैले अहिलेसम्म जति गीत गाए त्यो मेरो बुबाको युगको थियो’ उनी भन्छन्, –‘अहिले यस गीतलाई युवा पुस्तामा लक्षित गरेर तयार गरेको छु । सायद सबैले यसलाई रुचाउनुहुन्छ होला ।’

गायक धर्मेन्द्र ‘रेशम फिलिली’ जस्तो सफल गीतका सर्जक बुद्धि परियारका छोरा हुन् ।  

उमन वाइवाले तयार पारेको उक्त गीतको भिडियोमा नायिका नम्रता सापकोटाले नृत्य प्रस्तुत गरेकी छिन् । भिडियोमा धर्मेन्द्र र टिम चिटिक्कलाई पनि फिचर गरिएको छ । भिडियोलाई केही फरक र रमाइलो बनाइएको निर्देशक वाइवाले बताए । सोना हाङ राईले खिचेको भिडियोलाई रवी लामाले सम्पादन गरेका हुन् ।

रिकेश गुरुङले एरेन्ज गरेको यस गीतलाई फिरोज बज्रचार्यले मिक्सिङ गरेका छन् ।

 हेर्नुहोस् भिडियो :