काठमाडौं– प्रदिप खडका र जसिता गुरुङ अभिनित फिल्म ‘लभ स्टेशन’को कलरफूल ट्रेलर सार्वजनिक गरिएको छ । मंगलबार राजधानीमा एक कार्यक्रमकाबीच फिल्मको ट्रेलर सार्वजनिक गरिएको हो । 

ट्रेलरमा प्रदिप र जसिताको प्रेम अनि बिछोडलाई देखाइएको छ । ट्रेलर हेर्दा सुन्दर लोकशनले दर्शकलाई लोभ्याउँछ ।

चैत २२ गतेबाट प्रदर्शनमा आउने फिल्मलाई उज्ज्वल घिमिरेले निर्देशन गरेका हुन । 

फिल्ममा गोविन्द शाही, कृशु शाही (काफिया) र कविरविक्रम शाहीको लगानी छ । प्रदिप र जसिताले यसअघि ‘लिलिबिली’मा जोडी बाँधेका थिए । उनिहरुको जोडीलाई दर्शकले रुचाएका थिए । ‘लभ स्टेशन’लाई पनि दर्शकले रुचाउने उनिहरुले बताए । 

‘लभ स्टेशन’मा प्रदिप र जसिताका साथमा रमेश बुढाथोकी, सिरु विष्ट, रवि डंगोल, प्रिया रिजाल, प्रकाश शाह, कालु राना, दिनेश काफ्ले, रश्मी पाण्डे लगायतको अभिनय छ ।

सांगीतिक प्रेमकथामा आधारित फिल्ममा ‘लभ स्टेशन’एक विशेष ठाउँको नाम हुने निर्माण यूनिटले जनाएको छ । आलोक शुक्लाको छायाँकन रहेको फिल्ममा शम्भुजित बास्कोटा, दीपक शर्मा, राजनराज शिवाकोटी र एलिश कार्कीको संगीत छ ।

फिल्ममा समावेश प्रमिल गीत ‘घाम जुन नै चाहिँदैन...’लाई दर्शकले रुचाएका छन ।

हेर्नुहोस् फिल्मको ट्रेलर: