×

NMB BANK
NIC ASIA

अग्रलेख

सीके राउतसँग भएको सहमतिले उब्जाएका प्रश्नहरू

फागुन २६, २०७५

NTC
Sarbottam
Premier Steels
Marvel

नेपालको नक्सा हेर्दा दक्षिणमा देखिने समथर मैदानी भू-भाग अर्थात् तराईलाई विग्रह र विखण्डनको भुमरीमा पार्ने सोच आत्मघाती हो । यस्तो सोचमा बहकिएर बरालिएर हिंड्नेमध्येका एक व्यक्ति चन्द्रकान्त (सीके) राउतले आफ्नो विचार परिवर्तन गरी राष्ट्रिय मूलधारमा प्रवेश गर्ने योजना गरेछन् । मुलुकको भौगोलिक र सांस्कृतिक विविधता ठम्याएर यतिञ्जेलको गलत बाटो छोडेर शान्तिपूर्ण गतिविधि लाग्ने उनको अठोट स्वागतयोग्य छ ।

Sagarmatha Cement
Muktinath Bank

तर स्वागतको शैली पटक्कै मिलेन । उनको प्रतिबध्दतालाई सार्वजनिक रूप दिने क्रममा आयोजित समारोहको शैली र त्यस क्रममा उनी र सरकारका गृहमन्त्रीबीच गराइएको ‘सहमतिपत्र’ दुबै चर्को विरोध एवं आलोचना परेका छन् । पहिलो कुरो त सहमतिपत्रमा गृहमन्त्रीको स्तरमा हस्ताक्षर गराइनु आवश्यक थिएन; दोस्रो प्रधानमन्त्री नै त्यहाँ उपस्थित भएर साविकका विद्रोहीलाई प्रशंसा गर्दै भाषण गर्ने दरकार थिएन । गाँसिएको प्रश्न हो, राउतविरुध्दको अदालती मुद्दा टुङ्गिएकै छैन; उनी तारिख खेपिरहेकै छन् । प्रधानमन्त्रीको अति उत्साहले न्यायपालिकाको कार्यक्षेत्रमा समेत प्रभाव परेको देखिएको छ । 


Advertisment
RMC TANSEN
IME BANK INNEWS
shivam ISLAND

संविधान र अधिकारका बारेमा असन्तुष्ट अन्य समूहहरूसँग विगतमा यस्ता धेरैवटा सहमति भए, तर ती अवसरमा शुक्रवारको जस्तो समारोह भएको थिएन । 


Advertisment
SBL

सहमतिपत्रका सबैजसो बुँदाहरू विवादग्रस्त छन् । जनस्तरमा छलकपटको आशङ्का हुनाका कारणहरू छन् । अचानक तय गरिएको सहमतिबारे सत्तारुढ नेपाल कम्युनिष्ट पार्टी (नेकपा)को शीर्ष तहमै असहमति हुनुले शङ्काको  बादल मडारिएको हो । शुक्रवारको कार्यक्रममा कतिपय नेता उपस्थित नै भएनन् भने भीम रावल समेतका केही नेताले सार्वजनिक रूपमा नेतृत्वको कार्यशैली र सहमतिपत्रबारे नै प्रश्न उठाए जुन अनुत्तरित छ । प्रतिस्पर्ध्दात्मक राजनीतिमा प्रवेश गरिसकेको भनिएको नेकपाले लोकतान्त्रिक विधिबाट नीति, निर्णय लिनुपर्नेमा मुलुकको अखण्डता जस्तो संवेदनशील मामिलामा ठाडो आदेशको कार्यान्वयन गराउनु आश्चर्यकै विषय हो ।    

Vianet communication
Laxmi Bank

सहमतिपत्र नेपालीमा लेखिएको भए तापनि जुन असजिलो ढाँचामा ढालिएको छ त्यो हेर्दा अन्य कुनै भाषाबाट उल्था गर्ने प्रयास भएको प्रष्ट देखिन्छ । यस विषयमा ‘लोकान्तर’ को सम्पर्कमा आएका कानूनविद्‌हरूले यस्तै प्रतिकृया दिएका छन् । बाहिरी तत्वको चलखेलमा यस ढाँचामा सहमतिपत्रमा हस्ताक्षर गरिनुलाई तिनले खेदजनक कुरो हो भनेका छन् । 

सहमतिका १० बुँदामध्ये एउटा बुँदाको व्याख्या गर्दा राउतले उत्निखेरै नेपाल सरकार जनमतसंग्रह गराउन राजी भएको दाबी गरेका छन् । यता सरकारको तर्फबाट भने लिपिबद्ध भएका कुरा बाहेक अन्य कुनै सहमति गरेको छैन भनिँदैछ । यसको अर्थ राउतले सहमतिको  रणनीतिक हिसाबले कपटयुक्त व्याख्या गरेका छन् । दुई पक्षबीच भएको सहमतिमा एक पक्षले लिखतको आशय विपरीत भिन्दै व्याख्या प्रस्तुत गर्छ भने सरकारले त्यस्तो सहमति भङ्ग गर्नुपर्छ ; एक मिनेट पनि विलम्ब गर्नु हुँदैन । 

अवाञ्छित गतिविधि नगर्ने प्रतिबध्दताको कदर गर्दै त्यसलाई सहजीकरण गर्ने नीतिलाई भने सरकारले कायमै राख्नु उचित हुन्छ । बरु  यस्ता गहन विषयलाई सत्तारुढ दलभित्र यथोचित बहस गरी तत्पश्चात् मात्र मन्त्रिपरिषद्‌बाट राष्ट्रिय हितमा निर्णय लिने परिपाटी बसाल्नु आवश्यक छ ।

न्यायिकजगत्‌ले सुझाएको मान्यता छ : न्याय गरेर मात्र हुँदैन, गरेको देखिनु पनि पर्छ ।

hAMROPATRO BELOW NEWS
TATA Below
असार ४, २०८०

वर्षायाम शुरू नहुँदै असार २ गते शनिवार मध्यरातमा आएको बाढीका कारण पूर्वी पहाडी जिल्लामा धनजनको ठूलो क्षति पुगेको छ । ताप्लेजुङ, पाँचथर र संखुवासभा जिल्ला बाढीका कारण बढी प्रभावित भएका छन् । मध्यरातमा आ...

माघ १, २०८०

काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...

भदौ २४, २०८०

संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...

कात्तिक १९, २०८०

जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्‍यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...

माघ २५, २०८०

काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...

फागुन २१, २०७९

कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...

स्वधर्मको अनुयायी कसरी बन्ने ?

स्वधर्मको अनुयायी कसरी बन्ने ?

चैत ३, २०८०

स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...

जनयुद्धको ‘माओवादी ह्याङओभर’ र नारायणकाजी

जनयुद्धको ‘माओवादी ह्याङओभर’ र नारायणकाजी

चैत १, २०८०

गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

एक पूर्व कर्मचारीको 'डायरी'– इमान्दार बन्दा कार्यालय नै नभएको ठाउँमा सरुवा

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

x