काठमाडौं– इन्टरनेट सेवा प्रदायक कम्पनी वल्र्ड लिंक कम्युनिकेशन्सले कर्णाली प्रोजेक्ट अन्तरगत प्याकेज ‘ए’को काम ५२ प्रतिशत सम्पन्न भइसकेको जानकारी गराएको छ । वल्र्ड लिंकले कर्णाली प्रोजेक्ट अन्र्तगत प्याकेज ए मा इन्टरनेट सेवालाई हुम्ला, जुम्ला, मुगु र डोल्पासम्म पु¥याउने कार्य ५२ प्रतिशत सम्पन्न भइसकेको जानकारी गराएको हो ।
पब्लिक वाईफाई प्रोजेक्ट अन्र्तगत निशुल्क रुपमा इन्टरनेटको पहँुचलाई पशुपति विकास क्षेत्र, बौद्घ, शङ्ख पार्क, बालाजु बाईसधारा, स्वयम्भू, वसन्तपुर, एयरपोर्ट एवं पोखरा र विरगञ्ज महानगरपालिका कार्यलय लगायतका महत्वपूर्ण स्थलहरुमा नियमित रुपमा सेवा दिँदै आएको र आगामी दिनहरुमा अझ प्रभावकारी ढगंले नयाँ नयाँ स्थलहरुमा यस्तो सेवा प्रदान गर्ने योजना रहेको वल्र्ड लिंकले जानकारी दिएको छ ।
त्यस्तैगरी, काठमाडौं शहरको सुन्दरताको साथमा इन्टरनेटका तारहरुको व्यवस्थापनलाई मध्यनजर गरी अगाडि बढाईएको वायर म्यानेजमेन्ट प्रोजेक्टले काठमाडौं शहरभित्र रहेका अव्यवस्थित तारहरुलाई व्यवस्थित गर्ने योजना अनुरुप पहिलो चरणमा त्रिपुरेश्वर देखि महाराजगञ्ज सम्म तार व्यवस्थित गर्ने कार्य भइरहेको छ । दाश्रो चरणमा बालुवाटार देखि माइतिघर सम्मका क्षेत्रहरुमा रहेका अव्यवस्थित तारहरुलाई व्यवस्थित गर्ने योजना अनुरुप हालसम्म त्रिपुरेश्वर बाट पानिपोखरी सम्मको कार्य सम्पन्न भइसकेको वल्र्ड लिंकले जानकारी दिएको छ ।

कर्णाली प्रोजेक्ट अन्र्तगत प्याकेज ए र प्याकेज बि बाँकी कार्य निरन्तर अगाडि बढिरहेको छ । कर्णाली प्रोजेक्टको प्याकेज बि मा इन्टरनेट सेवालाई रोल्पा, रुकुम, जाजरकोट र कालिकोट सम्म पु¥याइने कार्य शतप्रतिशत सम्पन्न भइसकेको वल्र्ड लिंकको भनाई छ ।
वल्र्ड लिंकले यस्तो किसिमको प्रोजेक्ट प्रदेश नं.४ का लमजुङ, तनहुँ, पर्वत, कास्की र स्याङ्जामा पनि सञ्चालन गर्ने भएको छ । प्रोडक्टमा निरन्तर परिमार्जन र सुधार गर्दै वल्र्डलिंकले हाल १२ सय ५० रुपैयाँमा मागो एप, सेफनेट एप, म्यानेज्ड वाईफाई र टाइम ब्याक जस्ता महत्वपूर्ण सेवा सहितको इन्टरनेटको नयाँ स्ट्याण्डर्ड नामक प्रोडक्ट उपलब्ध गराउँदै आएको छ । त्यस्तै इन्टरनेटको प्रयोग सम्बन्धी चेतना जगाउने उद्देश्यले हालसम्म वल्र्ड लिंकले ३९ वटा विद्यालयका २ हजार ३८ विद्यार्थीहरुलाई इन्टरनेटको प्रयोग सम्बन्धी ज्ञान प्रदान गर्ने कार्य सम्पन्न गरेको वल्र्ड लिंकले बताएको छ ।
वल्र्ड लिंकले आगामी ४ महिनाभित्र करिब १० वटा ग्रामिण क्षेत्रमा इन्टरनेट पहुँच पु¥याउनुको साथै एक वर्षमा १० हजार सार्वजनिक स्थलहरुमा फ्रि हटस्पट सेवा उपलब्ध गराउने लक्ष्य राखेको छ ।