काठमाडौं – दक्षिणपश्चिम फ्रान्समा रहेको फूटबलप्रेमी एक जोडीलाई आफ्नो छोराको नाम ग्रीजम्यान एम्बाप्पे राख्न खोज्दा न्यायाधीशले रोक लगाएका छन् । 

फ्रान्सको विश्वविजेता टोलीका सदस्य आत्वाँ ग्रीजम्यान र किलियन एम्बाप्पेको थरबाट छोराको नाम राख्न जोडीले अनुमति नपाएको हो । 

ब्रिभ–ल–गाईलार्ड शहरका एक पारिवारिक न्यायाधीशले शिशु जन्मेको पाँच महिनापछि फूटबलरको थरवाला नाम हटाउन लगाएको स्थानीय नगर परिषद्ले एएफपीलाई बतायो । 

शिशुका मातापिताले उनलाई अब डेनी नोए नाम दिने निर्णय लिएका छन् । 

फ्रान्सेली परिवारले नाम छान्ने स्वतन्त्रता २६ वर्षअघि मात्र पाएका हुन् । सन् १९९३ सम्म पनि उनीहरूले एउटा स्वीकृत सूचीबाट मात्र नाम छान्न पाउँथे । तर आमाबुवाले बच्चाको भविष्यलाई खराब पार्ने किसिमको नाम राखेमा स्थानीय

अधिकारीहरूले अभियोजनकर्तासमक्ष त्यसको रिपोर्ट गर्न सक्छन् । 

हालैका वर्षमा कानूनले बन्देज लगाएका अन्य नाममा जिहाद समेत परेको छ ।

द गार्डियनबाट