काठमाडौं- नेपालका लागि हुन्डाई मोटर्सको एक मात्र आधिकारिक बिक्रेता लक्ष्मी इन्टरकन्टिनेन्टल प्रा.लि.ले हुन्डाई गल्फ टुर्नामेन्टको उपाधि तासी दोङले जितेका छन् । 

चैत १ र २ गते गोकर्ण गल्फ रिसोर्टमा आयोजना गरिएको प्रतियोगितामा १०८ गल्फरमध्ये तासी उत्कृष्ट भएका हुन् । प्रतियोगिता सर्टेबल फोर्ड विधाअन्तर्गत खेलिएको थियो ।

तासीले समान अंक बनाएका माधव सिम्खडालाई काउण्ट ब्याकको आधारमा पछि पारेका थिए । उपाधिसँगै तासीले १ लाख २० हजार रुपैयाँ बराबरको गार्मीन अप्रोचएस् ६० प्रिमियम जीपीएस गल्फ घडी र बस्नेल भी–४ रेन्जफाइन्दर पुरस्कार पाए । रनर अप भएको माधवले उपाधि सँगै गार्मीन एस ६० जीपीएस गल्फ घडी पुरस्कार पाए । काउण्ट ब्याकमा ३८ अंकबनाएका संगम केसी दोस्रो रनर अप हुँदै गार्मीन अप्रोच एक २० जीपीएस गल्फ घडी पुरस्कार पाए । 

३८ ग्रोस अंक बनाउँदै तासी छिरिङले बेस्ट ग्रोसको उपाधिका साथै गार्मीन अप्रोच एस ६० प्रिमियम जीपीएस गल्फ घडी जिते । ३७ अंकका साथ सिनियर तर्फको उपाधि गोपाल चित्रकारले जिते । १९ अंकका साथ जुनियरतर्फ सत्भाव आचार्य पहिलो भए । महिलातर्फ ३० अंक बनाउँदै कल्याणी मोक्तान पहिलो भइन् । तीनै विधाका विजेताले गार्मीन अप्रोच एस २० जीपीएस गल्फ घडी जिते । 

३८ अंकका साथ समिर आचार्यले हुन्डाई कार वीनर अन्तर्गतको विधा जितेका छन् । क्लोजेस्ट टु द पिनमा गौरव शाह लंगेस्ट ड्राइभमा साम दोवलड र मोस्ट बर्डीमा तासी छिरिङ विजयी भए । तीनै विधाका विजेताले गार्मीन अप्रोच एस २० जीपीएस गल्फ घडी जिते ।