काठमाडौं- सामसङले हालै आफ्नो 'ए' सिरिज अन्तर्गत नयाँ स्मार्टफोन बजारमा ल्याएको छ । 

अहिलेको पुस्ताका चाहना एवं आवश्यकताहरुलाई मध्यनजर गरी आफ्नो नवीनतम आविष्कार अन्तर्गत कम्पनीले नयाँ सुविधा एवं विशेषताहरूसहित पहिलो पटक अल्ट्रा–वाइड एङ्गल क्यामरा (भिडियो), चाँडै चार्ज हुने प्रविधि तथा इन्फिनिटि डिस्प्ले जस्ता विशेषता भएको विशेषतायुक्त ए ५० तथा ए ३० स्मार्टफोन बजारमा ल्याएको छ । 

'सामसङ सदैव अर्थपूर्ण आविष्कारका लागि निरन्तर उत्साहित छ । हाम्रो सबैभन्दा नयाँ स्मार्टफोन ग्यालेक्सी 'ए' लोकप्रिय एवं एक्सन फोनका रुपमा रहने छ,'आई एम बिजका प्रमुख प्रणयरत्न स्थापितले भने । ग्यालेक्सी ए मा अल्ट्रा–वाइड, स्लोमो र हाइपर लिफ मोडहरू विद्यमान रहेका छन् । 

ग्यालेक्सी ए ५० ग्यालेक्सी ए ब्राण्डको नवीनतम स्मार्टफोन हो । यसमा कम्पनीले अतुलनीय सुविधाहरू समावेश गरेको छ । यस स्मार्टफोनमा तीनवटा रियर क्यामरा समावेश छन् । 

ग्यालेक्सी ए ३० मा अतुलनीय सुविधाहरू समावेश गरिएको छ । यस स्मार्टफोनमा दुई वटा क्यामरा अल्ट्रा वाइड एंगल लेन्ससहित १६ मेगापिक्सल र ५ मेगापिक्सल रहेको छ । 

ग्यालेक्सी ए ३० विकसित फिङ्गगर प्रिन्ट सेन्सर राखिएको छ । यो सेट रातो, निलो तथा कालो रंगमा बजारमा उपलब्ध रहेको छ । 

ग्यालेक्सी ए ५० को बजारमूलय ३३,४९० रुपैयाँ तथा ग्यालेक्सी ए ३० को मूल्य २८,४९० रुपैयाँ तोकिएको छ । यी दुवै सेट चैत महिनाको २ गतेबाट उपलब्ध भएको छ ।