नयाँदिल्ली– भारतको उत्तर प्रदेशमा आगरा–लखनउ एक्सप्रेस वेमा एक बसमा आगो लाग्दा चारजनाको मृत्यु भएको छ । आइतबार राति अबेर भएको उक्त घटनामा एकजना घाइते भएका छन् । 

घाइतेलाई उपचारका लागि अस्पताल पुर्याइएको भारतीय सञ्चारमाध्यमले जनाएका छन् । दिल्लीको आनन्द विहारबाट लखनउतर्फ जाँदै गरेको बस आगरा–लखनउ एक्सप्रेस वेमा थाना करवहल इलाका मीठेपुर नजिकै सडकमा रहेको डिभाइडरमा ठोक्किँदा आगो लागेको हो । आगो नियन्त्रणमा आएको छ ।