पुस ११, २०८०
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
मधेशमा आएर बेला–बेला जनतासँग भेटघाट गर्ने गरेको छु । पहिलो मधेश आन्दोलन हुँदा म यहीँ जनकपुरमा आएर नेपाल राष्ट्र बैंकमा आन्दोलनकारी मधेशी जनअधिकार फोरमसँग २२ बुँदे सम्झौता गरेको व्यक्ति हो ।
त्यसबेला पनि मैले आफ्ना प्रतिक्रिया राखेकै थिएँ । हो, मैले गरेको त्यहीँ २२ बुँदे समझदारीको जगमा अहिले देशमा संघीयता, लोकतन्त्र र गणतन्त्रात्मक व्यवस्था सहितको संविधान आएको छ ।
संविधानमा सबै वर्ग, तह, तप्का, जातजातिको समानुपातिक समावेशी प्रतिनिधित्व सुनिश्चित भएको छ । संविधानले संघीयता, लोकतन्त्र र गणतन्त्रलाई प्रत्याभूत गरेको छ । त्यसैको रक्षा गर्नु अहिलेको पहिलो कर्तव्य र जिम्मेवारी पनि रहेको ठान्दछु । किनभने त्यहीँ लोकतन्त्रको लागि मैले ठूलो लडाइँ लड्दै आएको छु ।
पञ्चायती व्यवस्थामा १४ वर्ष र राजा ज्ञानेन्द्रको प्रतिगमन बेला १ वर्ष गरी कूल १५ वर्ष जेल जीवन बिताएको मान्छे हुँ म । कुनै अपराध गरेर जेल गएको व्यक्ति होइन, आस्थाको बन्दी बनेर जेल बसेको हो । त्यतिबेला मैले पनि जेलमा बस्दा पञ्चायती व्यवस्थालाई मानिदिएको भए १ सेकेन्ड पनि जेलमा बस्नु पर्दैनथ्यो । त्यसैले अहिले प्राप्त उपलब्धि संघीयता, लोकतन्त्र र गणतन्त्रको रक्षा गर्नु नै आफ्नो पहिलो कर्तव्य रहेको मैले ठानेको छु ।
तर अहिले त्यस उपलब्धि र व्यवस्थामा शंकाको बादल मडारिएको मैले देखिरहेको छु । किन अहिलेको दुईतिहाइको कम्युनिस्ट पार्टीको शक्तिशाली दुई शिखर पुरुषको अभिव्यक्तिले पनि त्यो व्यवस्थामाथि खतरा रहेको बुझिन्छ । पुष्पकमल दाहाल ‘प्रचण्ड’ले सिधै भनिसक्नु भयो कि लोकतन्त्र रहेकाले देशमा विकास गर्न सकिएन । हाम्रो व्यवस्था भएको भए सबै काम सजिलै गर्न सकिन्थ्यो । तर लोकतन्त्रका कारण गाह्रो भयो भनेर प्रचण्डले अभिव्यक्ति दिनुभएको छ ।
त्यसैगरी प्रधानमन्त्री समेत रहेका अर्का अध्यक्ष केपी शर्मा ओलीका काम पनि लोकतन्त्रको ठीक विपरीत भइरहेका छन् । देशका संवैधानिक संस्थालाई कमजोर पार्ने काम गरिरहनुभएको छ । विभिन्न मन्त्रालयमा रहेका अधिकार पनि तानेर आफ्नो प्रधानमन्त्री कार्यालयमा केन्द्रिकृत गरिरहनुभएको छ । अदालत, अख्तियार दुरुपयोग अनुसन्धान आयोग पनि उहाँकै इशारामा चलिरहेको प्रष्ट देखिन्छ । वाइडबडीमा भएको भ्रष्टाचारमा अख्तियारले जति राम्रो तरिकाले भ्रष्टाचार देखाउनुपर्थ्यो, त्यो गरेकै छैन । हिजो लाउडा काण्ड हुँदा त्यहीँ कम्युनिस्टहरूले कति हल्ला मचाएका थिए । अख्तियारले पनि कसरी काम गरेको थियो । तर वाइडबडी प्रकरणमा अख्तियारले काम गर्न सकेको छैन । संसदीय समितिले नै २४ अर्ब रुपैयाँमा साढे ४ अर्ब रुपैयाँको भ्रष्टाचार भएको ठहर गरिसकेको छ । तर अख्तियारले काम गरिरहेको छैन ।
खाली ससाना माछालाई मात्र समात्ने काम गरिरहेको छ । खरिदार र सुब्बालाई समात्ने काम मात्र गरेको छ । देशमा ठूल्ठूला भ्रष्टाचारका काण्ड थुप्रै छन् । तर अख्तियारले तिनीहरूलाई समात्न सकेको छैन ।
ठूल्ठूला नेतालाई अख्तियारले औंला ठड्याउन सकेको छैन । ठूल्ठूला नेताको राजनीतिक संरक्षण विना देशमा ठूल्ठूला भ्रष्टाचारका काण्ड हुनै सक्दैन । सबैमा ठूला नेताको संरक्षण छ । त्यसैले अख्तियार पनि सरकारको निर्देशनमा चलेकोजस्तो देखिएको छ । अख्तियारप्रति जनताको आस्था घट्दै गएको छ । अदालत पनि सरकारकै इसारामा चलिरहेको छ । त्यसैले प्राप्त उपलब्धिमाथि कालो बादल मडारिएको छ । गणतन्त्रका लागि प्रेसको पनि ठूलो योगदान रहेकाले त्यसको रक्षा गर्नका लागि पनि प्रेसले योगदान गर्नु आवश्यक छ ।
हिजो कांग्रेसको सत्ता हुँदा कम्युनिष्टहरूले देशमा निजीकरण गर्यो, उद्योग बन्द गर्यो भन्ने आरोप लगाउँथे । तर अहिले त त्यहीँ दुईतिहाइ कम्युनिस्ट सरकारको १ वर्षभन्दा बढी समय भइसक्यो, खोई त देशमा कुनै नयाँ उद्योग खुलेको ? किन खोल्न सकिरहेको छैन नयाँ उद्योग ? देशमा बेरोजगारलाई पैसा बाँड्ने कुरा गरेर बेरोजगारी समस्या समाधान हुँदैन । बेरोजगारीको नाममा बाँड्ने त्यो रकम सरकारले घुमाइफिराई आफ्नै कार्यकर्तालाई बाँड्ने हो । बेरोजगार जनताले त्यो रकम पाउने नै होइन ।
उद्योग खोल्नका लागि वातावरण बनाउने काम, लगानी निश्चित गर्ने काम गरे निजी क्षेत्रले पनि उद्योग खोल्न सक्छ । सरकारले पनि उद्योग आफ्नै लगानीमा खोल्न सक्छ । सरकारकै लगानीमा खुलेका वीरगञ्ज चिनी मिल, कृषि औजार मिल सञ्चालन गरे त किसानले राहत पाउँथ्यो नि ! तर सरकारले यस दिशामा कुनै पनि काम गर्नै सकेको छैन । खाली आफ्ना कार्यकर्तालाई बेरोजगारको नाउँमा पैसा बाँडेर बेरोजगारी समस्या समाधान हुँदैन ।
सरकारले लगानी सम्मेलन गर्दैछ । त्यसमा सफलता मिलोस् भन्ने कामना गर्छु । देशमा धेरै लगानी भित्रियोस् । तर त्यसका लागि वातावरण बनेको मैले देखिरहेको छैन । आफ्नो पूँजी, आफ्नो आम्दानी, लगानीको सुनिश्चितता ढुक्क हुने स्थिति देखिनुपर्यो । त्यसको लेखाजोखा गरेकै छैन । अर्थशास्त्रीहरूले पनि त्यस्तो वातावरण बन्न नसकेको भनिरहेका छन् ।
मधेशमा आएको छु । मैले जहिले पनि हिमाल, पहाड, तराई, मधेशलाई एकताको शुत्रमा बाँध्ने कुरा गर्दै आएको छु । त्यसका लागि आधारहरू पनि हुनुपर्छ । यूरोपमा जनताले राज्य सत्ताविरुद्ध कहिल्यै पनि विद्रोह गर्दैन । राज्यले पनि त्यहाँका जनताका सबै हितलाई पूरा गरिरहेको हुन्छ ।
नेपालमा एकताको आधार भनेको तराई–मधेशमा उत्पादन हुने अन्नलाई माथिल्लो भेग हिमालसम्म पुर्याउने र माथिल्लो भेगका ठूल्ठूला विद्युत्को परियोजनामा तराई–मधेशका जनतालाई पनि हिस्सेदार बनाउने हो । त्यो नै ठूलो आधार हो । उपल्लो भेगको साधन स्रोतको तल र तलको साधन स्रोतमा उपल्लो भेगमा हिस्सेदारी बनाए मात्र देश एकताको सूत्रमा बाँधिन्छ र देश समृद्ध बन्न सक्छ ।
हामीसँग प्राकृतिक स्रोतसाधन यति छन् कि भारतभन्दा पनि बढी धनी बन्न सक्छौं । जनता समृद्ध हुन सक्छन् र जीवनशैली राम्रो बन्न सक्छ । तर ती सबैको बाधा भ्रष्टाचार बनेको छ । त्यसैले जहाँ–जहाँबाट भ्रष्टाचार भएको छ, त्यस–त्यस ठाउँमा प्रहार गर्नु आवश्यक छ र मैले प्रहार गरिरहेको छु ।
संविधानमा केही त्रुटि तथा कमीकमजोरी थिए । त्यसलाई संशोधन गर्न कांग्रेसले सदनमा संशोधन प्रस्ताव पनि लगेको थियो । तर तत्कालीन एमाले र केपी ओलीले विरोधमा मतदान गरेकाले संविधान संशोधन हुन सकेन । अहिले त्यहीँ मधेश आन्दोलनका नायकहरूले ओली सरकारलाई समर्थन गरेर दुईतिहाइ पुर्याएका छन्, सरकारमा छन् । त्यसैले संविधान संशोधन किन भएन भन्ने प्रश्न उपेन्द्र यादव र महन्थ ठाकुरलाई मधेशका जनताले सोध्नुपर्छ । नेपाली कांग्रेसलाई जुन दिन दुईतिहाई हुन्छ, संविधान संशोधन गर्न सक्छ । कांग्रेस त संविधान संशोधनको पक्षमा छँदैछ ।
राज्य पुनर्संरचना हुँदा ती मसिहाहरूले मागे बमोजिम नै ८ जिल्ला समेटेर २ नम्बर प्रदेश बनेको हो । अहिलेको प्रदेश सरकारले जनकपुरधामलाई राजधानी र मिथिला प्रदेश त तोक्न सकेको छैन । सीके राउतदेखि उपेन्द्र, महन्थसम्म बेला–बेलामा अनेक नाममा भुल्का उठाउँछन् । त्यो भुल्का सबै लोकतन्त्रकै खिलाफमा हुन्छ । लोकतन्त्रलाई नै कमजोर पार्न भुल्का उठ्ने गर्छन् । चाहे कम्युनिस्ट होस् वा सीके राउत । सबै लोकतन्त्रलाई नै कमजोर पार्न परिचालित छन् ।
(नेपाली कांग्रेसका वरिष्ठ नेता रामचन्द्र पौडेलले बिहीवार जनकपुरधाममा दिएको मन्तव्यको सम्पादित अंश । प्रस्तुती : अजय अनुरागी)
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
आज ‘सबैका लागि मर्यादित जीवन’ को आदर्श वाक्यसाथ अन्तर्राष्ट्रिय गरिबी निवारण दिवस मनाइँदै छ । भोक, रोग, अभाव र आवश्यकता पूरा भएपछि मात्र मानवीय मर्यादा पाउन सकिन्छ । नेपालमा गरिबी र असमानताका विभि...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...