काठमाडौं- जगदम्बा मोटर्स दुई तथा तीन पांग्रे सवारीको उत्पादक टीभीएस मोटर कम्पनीको नेपालभरिकै एकमात्र आधिकारिक बिक्रेता हो।

नेपालमा वस्तु तथा सेवाको विद्युतीय कारोबार प्रणालीको विकासमा नेतृत्वदायी भूमिकामा रहेको दराजले दक्षिण एसियाका देशहरू पाकिस्तान, बंगलादेश, नेपाल, श्रीलंका र म्यानमारमा सेवा दिँदै आएको छ। 

यो नयाँ वर्षमा टीभीएस किन्न इच्छुक ग्राहकहरूका १० अप्रिलमा जगदम्बा मोटर्स प्रालिका भाइस प्रेसिडेन्ट दिपक अग्रवाल र दराज अनलाइनका व्यवस्थापकीय निर्देशक लिनो एलेरिङबीच भएको एउटा सम्झैताअनुसार अब दराज अनलाइनबाट टीभीएसका मोटरसाइकल र स्कुटरहरू खरिद गर्न सकिने छ ।

नयाँ वर्षको शुरूवातमा ल्याइएको यस अफरमा काठमाडौंका ग्राहकहरूले दराजबाट कुनै पनि टीभीएसका बाइक वा स्कुटर किन्दा १० हजार रुपैयाँको छुट पाउनेछन् । सीमित अवधिको लागि दिइएको छुट पहिलो १०० जना ग्राहकहरूका लागि मात्र लागू हुने कम्पनीले जनाएको छ ।  

अनलाइन व्यापारको माहोल राम्रो बन्दै गएको नेपालमा बाइकहरू पनि अनलाइनबाट किन्न पाउनु नौलो प्रयोग हुनेछ । यसको व्यापकता आउने दिनहरूले देखाउने नै छन् ।