हेटौँडा–प्रदेश नं ३ को प्रदेशसभाको आज बसेको १० मिनेटको बैठकमा तीन वटा विधेयक दफावार छलफलका लागि प्रस्ताव प्रस्तुत भएको छ ।

बैठकमा सामाजिक विकासमन्त्री युवराज दुलालले स्व मदनकुमार भण्डारी स्वास्थ्य विज्ञान प्रतिष्ठानको व्यवस्था गर्न बनेको विधेयक २०७५, उद्योग, वन, वातावरण र पयर्टनमन्त्री अरुण नेपालका तर्फबाट सामाजिक विकासमन्त्री युवराज दुलालले प्रादेशिक व्यापार–व्यवसाय सञ्चालन गर्न बनेको विधेयक, २०७५ र कृषि, भूमि व्यवस्था र सहकारी मन्त्री दावा दोर्जे तामाङले प्रादेशिक कृषि व्यापार व्यवसायको व्यवस्था गर्न बनेको विधेयक, २०७५ लाई विभिन्न समितिमा दफावार छलफलका लागि छुट्टाछुट्टै प्रस्ताव राख्नुभयो ।

सोही बैठकमा प्रदेशसभाका सदस्य घनश्याम दाहालले प्रादेशिक बालबालिकाको अधिकारको संवद्र्धन गर्न बनेको विधेयक २०७५ लाई विभिन्न समितिमा दफावार छलफल भई आएको प्रतिवेदन आजै प्रस्तुत गर्नुभएको थियो । प्रदेशसभाका सभामुख सानुकुमार श्रेष्ठले अर्को बैठक बुधबार वैशाख ४ गते दिनको १ बजे बस्ने गरी आज सञ्चालन भएको बैठक १ः१० मा शुरु भई १ः२० मा बैठक स्थगन गर्नुभएको थियो ।