काठमाडौँ -नवलपरासी (सुस्ता पूर्व)को देवचुली नगरपालिकास्थित चौधरी ग्रुपको उद्योग कम्पाउण्डमा अज्ञात समूहले पड्काएको बम सामान्य पटाका जस्तो मात्र भएको प्रहरीले जनाएको छ ।

बुधवार साँझ जिल्ला प्रहरी कार्यालय नवलपरासी (सुस्ता पूर्व)का प्रहरी उपरीक्षक रमेश थापाले लोकान्तरलाई उक्त बम सामान्य पटाका जस्तो रहेको बताए ।

बिष्फोटबाट कहीं कतै क्षति भएको छैन । उद्योगको मुख्य गेटभन्दा ४५ मिटर पर विष्फोट भएपछि लगत्तै प्रहरी घटनास्थल पुगेको थियो । बिष्फोट कसले र किन गरायो भन्ने खुलेको छैन ।