काठमाडौं - महिलाको जस्तो कोमल र सुन्दर छाला आफ्नो हुँदैन भन्ने धेरै पुरुषलाई लाग्छ । तर यो भ्रम हो । अलिकति मेहनत गर्ने हो भने पुरुषको छाला पनि महिलाको जस्तो नरम हुन्छ । 
यसका लागि पुरुषहरूले केही कुरामा ध्यान दिनुपर्छ अनि केही फोहोरी बानी त्याग्नुपर्छ । 

१ साबुन प्रयोग त्याग्ने
सबभन्दा पहिले त अनुहारमा साबुन प्रयोग गर्न बन्द गर्नुस् । शरीरमा पनि शावर जेल मात्र लगाउन थाल्नुस् । यसले गर्दा छालामा सुक्खापन आउन पाउँदैन र उसले मोइस्चराइजर पाउँछ । 

२ सनस्क्रीन प्रयोग गर्ने
घरबाहिर निस्कँदा अवश्य सनस्क्रीनको प्रयोग गर्नुस् । यसले गर्दा छालामा अल्ट्राभायोलेट किरण पर्न पाउँदैन । छाला डढ्न यसले रोक्छ । 

३ मोइस्चराइजर
पुरुषहरूको छाला महिलाभन्दा १५ प्रतिशत धेरै चिल्लो हुन्छ । अनि उनीहरूको छाला छिट्टै सुक्खा पनि हुन जान्छ । सही मोइस्चराइजरको प्रयोग यतिखेर आवश्यक हुन्छ । 

४ फेस मास्क
पुरुषले पनि फेसमास्कको प्रयोग गर्नुपर्छ । यसले छाला राम्रो बन्छ । यसले छालाका फोहोर पनि निकाल्छ असन मुत कोषिका पनि हटाउँछ । फ्रूट मास्क, मुल्तानी माटो वा अन्य प्रकारको फेसप्याक प्रयोग गर्न सक्नुहुन्छ । 

५ दाँतमा ध्यान
सुन्दर बन्नु छ भने छालाका साथसाथै दाँतको पनि विशेष ध्यान दिनुपर्छ । धुम्रपान त्याग्नुस् र गर्नुहुन्छ भने दिनको दुईचोटि ब्रश गर्नुस् । कागतीको रसले दाँत माझ्नुस् । यसले दाँत चम्किलो बनाउँछ । 

६ कपालमा जे पायो त्यही नदल्ने
कपालमा अनेकथरी वस्तु नदल्नुस् । श्याम्पू र कन्डिसनर प्रयोग गर्नुस् । हप्तामा दुईचोटि तेल अवश्य लगाउनुस् । 

७ दाह्रीको हेरचाह
समय समयमा दाह्री खौरनुस् । सफाचट गाला सुन्दर देखिन्छ । 

एजेन्सी