एजेन्सी- राजस्थान रोयल्सका अस्ट्रेलियाली ब्याट्सम्यान एश्टन टर्नरले १२ औं संस्करणको इन्डियन प्रिमियर लिग (आईपीएल)मा अहिलेसम्म खाता खोलेका छैनन् । एश्टन टर्नर यस आईपीएलमा तीन म्याच खेल्दा तीनैमा शून्यमा आउट भए । राजस्थान रोयल्सका लागि तेस्रो म्याचमा पनि इश्टन गोल्डन डकका शिकार भए । एश्टन टर्नरले दिल्ली क्यापिटल्सविरुद्ध पनि खाता खोल्न सकेनन् । 

दिल्ली क्यापिटल्स अघि एश्टन टर्नर मुम्बई इन्डियन्स र किंग्स इलेभन पञ्जाबविरुद्धको खेलमा पनि शून्यमा आउट भए । लगातार आईपीएलमा तीनज पटक शुन्यमा आउट हुने खेलाडी उनी मात्रै होइनन् । यसअघि अशोक डिंडा, गौतम गम्भीर, राहुल शर्मा, शर्दुल ठाकुर र पवन नेगी पनि लगातार तीन पटक शून्यमा आउट भएका थिए । 

लगातार पाँच पटक शून्यमा भए आउट

५० लाख खर्च गरेर इश्टनलाई राजस्थान रोयल्सले क्लबमा भित्र्याएको हो । एश्टन टर्नर लगातार पाँच पटक गोल्डन डकका शिकार भए । तीन पटक आईपीएलमा, एक पटक अन्तर्राष्ट्रिय टी-ट्वान्टीमा र एक पटक बिग बासमा शून्यमा पेभेलियन फर्के ।