काठमाडौं – भारतको कन्नुर लोकसभा निर्वाचन क्षेत्रमा रहेको एउटा मतदान केन्द्रमा सर्प पसेपछि केही समयका लागि मतदान स्थगित भएको छ । 

मय्यिल कन्डक्काई मतदान केन्द्रमा रहेको विद्युतीय मतदान यन्त्रभित्र सानो सर्प भेटिएपछि निर्वाचन अधिकारी र मतदाता तर्सिएका थिए । 

तर सर्पलाई तत्कालै हटाइयो र मतदान जारी भयो । त्यहाँ निकै भारी मतदान भइरहेको छ ।

कन्नुर क्षेत्रमा बहालवाला सांसद पीके श्रीमतीको भिडन्त कांग्रेस–यूडीएफ गठबन्धनका के सुरेन्द्रन र भाजपा–एनडीएका सीके पद्मनाभनसँग भइरहेको छ ।

उता उत्तर प्रदेशको इटाहमा मोहरा मतदान केन्द्रमा खटिएका निर्वाचन अधिकारीमाथि सीलिङ फ्यान खसेपछि उनको टाउकोमा चोट लागेको छ । 

‘श्री किशन नामक ती अधिकारीलाई उपचारका लागि आगरास्थित एसएन मेडिकल कलेज लगिएको छ,’ इटाह जिल्लाका एसएसपी स्वप्निल मामगाईंले बताए । 

उनको सीटी स्क्यान गरिने भएको छ ।

हिन्दुस्तान टाइम्सबाट