एजेन्सी- राजस्थानको धौलपुरमा आईपीएल क्रिकेट म्याचमा बाजी खेल्ने एक युवकले लाखौं भारु हारे । बाजीमा मोटो रकम हारेपछि उक्त युवकले विष सेवन गरी आत्महत्या गरेको भारतीय सञ्चारमाध्यम दैनिक जागरणले लेखेको छ । 

मृतकका परिवारले उक्त घटनासँग सम्बन्धित पाँच जनाविरुद्ध उजुरी दर्ता गराएको छ । 

प्रहरीका अनुसार यस मामिलामा मृतकका दाई हरिओम पाराशरले उजुरी दर्ता गरेका हुन् । 

उजुरीमा उनले पाँच जनाको नाम उल्लेख गरेका छन्, जसका कारण भाईले आत्महत्या गर्‍यो । उजुरीमा आरोपीले हरिओमका भाई जयपाल पाराशर (३५) लाई क्रिकेटमा बाजी खेल्न प्रेरित गर्थे र त्यसकै लागि पैसा सापटी पनि दिने गरेको उल्लेख गरिएको छ ।

पैसाका कारण जयपाल मानसिक तनावमा आएको र सोमवार विष सेवन गरेर आत्महत्या गरेको रिपोर्टमा भनिएको छ । 

घटनाबारे छानबिन भइरहेको प्रहरीले जनाएको छ ।