काठमाडौं – श्रीलंकामा आइतवार भएको शृंखलाबद्ध विस्फोटका विषयमा रक्षा राज्यमन्त्री रुवान विजयवर्दनेले सुरक्षा व्यवस्थामा चुक भएको स्वीकार गरेका छन् । 

उनका अनुसार, सुरक्षा निकायहरूको प्रमुखलाई हटाउने र नयाँ ल्याउने विषयमा राष्ट्रपति मैत्रीपाला सिरिसेनाले प्रयास थालेका छन् । 

स्थानीय सञ्चारमाध्यमका अनुसार, श्रीलंकामा राष्ट्रपति र प्रधानमन्त्रीबीचको खिचातानी र तालमेलको कमीका कारण यति ठूलो घटना हुन पुग्यो । 

विजयवर्दनेले पत्रकार सम्मेलनमा भने, ‘न्युजील्यान्डको क्राइस्टचर्चमा भएको गोलीकाण्डको प्रतिशोध लिन यो घटना गराइएको सम्भावना जासूसी संस्थाहरूले देखाएका छन् । आत्मघाती आक्रमणकारीमध्ये अधिकांश शिक्षित थिए र

मध्यम तथा उच्चमध्यम वर्गबाट आएका थिए । त्यसैले उनीहरू आर्थिक रूपमा त समर्थ थिए । एक आक्रमणकारीले बेलायतमा पढाइ गरेका थिए र श्रीलंका आउनुअघि अस्ट्रेलियामा स्नातकोत्तर गरेका थिए ।’

घटनाका सम्बन्धका पक्राउ परेका ६० जना सबै श्रीलंकाली भएको प्रहरी प्रवक्ता गुणशेखराले बताए ।

पक्राउ परेका ३२ जना आपराधिक अनुसन्धान विभागको हिरासतमा छन् । इस्लामिक स्टेटले यी घातक आक्रमणको जिम्मेवारी लिएको छ र आक्रमण गराउने आत्मघातीको पहिचान पनि उजागर गरेको छ । 

एजेन्सी