किशोर हुँदै गइएपछि हर्मोनमा आउने परिवर्तनका कारण मुखमा डण्डीफोर देखिन थाल्छन् । सुन्दर अनुहारलाई कुरूप बनाइदिन्छन् डण्डीफोरले । विशेषगरी नाक र निधारमा भरर्र डण्डीफोर आउँछन् । फुल्दै गएपछि डण्डीफोर साह्रो हुन्छ र छालाका छिद्रलाई ढाक्छ ।

छालारोग विशेषज्ञहरूले हातले डण्डीफोर फुटाउने वा थिच्ने सल्लाह दिँदैनन् किनकि यसो गर्दा ब्याक्टेरियाहरू छालामा धस्सिन्छ पुग्छन् र पीप जम्छ । तैपनि धेरै मान्छे यसै गर्छन् ।

यहाँ हामी तपाईंलाई डण्डीफोर हटाउने सजिलो र प्रभावकारी तरिका सिकाउँछौं ।

यसका लागि तपाईंले एक चम्चा नुन, आधी चम्चा कागतीको रस र एक चम्चा पानी लिनुपर्ने हुन्छ ।

यसो गर्नुस् : पहिला सानो कचौरामा नुन हाल्नुस् । अनि पानी हाल्नुस् । त्यसपछि कागतीको रस हाल्नुस् । त्यसपछि मजाले घोल्नुस् ।

त्यसपछि यो घोललाई औंलाको टुप्पामा लिएर डण्डीफोरमा बिस्तारै माड्नुस् । हल्का हातले गोलो गोलो घुमाउनुस् । त्यसपछि तपाईंले आनन्दले डण्डीफोर निस्केको थाहा पाउनुहुन्छ । यसो गरेको तीन मिनेटपछि मनतातो पानीले मुख धुनुस् ।

नुनले प्राकृतिक रूपमा ब्याक्टेरिया मार्छ र छालाको छिद्रलाई खोलेर फोहोर हटाइदिन्छ । कागतीमा भएको प्राकृतिक अम्लले कीटाणुहरूलाई नरम र प्रभावकारी तरिकाले नाश गर्छ । अनि कागतीले छालाको पुरानो र मृत कोषिकालाई मारिदिन्छ । यसो हुँदा छालाका छिद्रले लामो सास लिन पाउँछ ।

यो उपाय हप्ताको दुईचोटि मात्र गरिरहनुभयो भनेपनि डण्डीफोर हट्छन् ।

एजेन्सीको सहयोगमा