बुटवल- बुटवल-पाल्पा सडकखण्ड अन्तर्गत सिद्धबाबाको पहिरोमा परि शनिवार दिउँसो पाल्पा मित्याल गाउँपालिकाका ३२ वर्षीय धनबहादुर सुनारीको मृत्यु भएको छ ।

उनी चढेको लु ५० प ४६७१ नम्बरको मोटरसाइकल पहिरोमा परेको थियो । घर्ती बुटवलबाट पाल्पा जाँदै गर्दा सिद्धार्थ राजमार्ग अन्तर्गत शिद्धबाबा मन्दिर नजिकै माथिबाट ढुंगासहितको पहिरोले उनलाई बगाएर भीरमा अड्काएको थियो ।

इलाका प्रहरी कार्यालय बुटवलका प्रमुख डीएसपी भिमलाल भट्टराईले सुनारीको शव लुम्बिनी प्रादेशिक हस्पिटलमा राखिएको बताए । अहिले बाटो खुलाउने प्रयास भइरहेको उनले जानकारी दिए ।

तीन देखि परिरहेको वर्षाले तिनाउ नदीको बहाव बढेको छ । बाटो नखुल्दा यात्रुहरू अलपत्र परेका छन् ।