काठमाडौं – सीएमेन्स कम्पनीका सीईओ जो काएसेरले एडोल्फ हिटलरको अकाउन्टबाट पाएको एउटा इमेलमा ज्यान मार्ने धम्की पाएका छन् । जर्मन प्रहरीले घटनाको अनुसन्धान गरिरहेको छ ।

काएसेरले धम्कीपूर्ण इमेलको स्क्रीनशट ट्विटरमा शेयर गरेका थिए । 

उक्त धम्कीपूर्ण इमेलमा एडोल्फ हिटलर भनी हस्ताक्षर गरिएको छ । इमेल ठेगाना पनि एडोल्फ डट् हिटलर याट एनएसडीएपी डट् डीई छ । हिटलरको एनएसडीएपी पार्टीलाई सन्दर्भ बनाएको देखिन्छ । 

यो इमेल पठाउनेले इमेल स्पूफर प्रयोग गरेको हुन सक्छ किनकि एनएसडीएपी डट् डीई डोमेन खाली छ र त्यो हान्दा होलोकस्टका बारेमा लेखिएको विकिपिडिया पेजतिर रिडाइरेक्ट गर्छ । 

हिटलरको सन्देश खतरनाक भए पनि काएसेरले त्यसलाई हलुका रूपमा लिए । 

‘नर्क पनि अब डिजिटलाइज भएछ । शैतानको पनि इमेल रहेछ,’ उनले लेखे । उनले कुनै उजुरी दर्ता नगरेको र अधिकारीहरूले स्वतन्त्र अनुसन्धान गरिरहेको बताए । 

Es gibt lediglich Anzeichen, dass sogar in der Hölle die Digitalisierung Einzug gehalten hat: Der Teufel hat jetzt auch E-Mail. Unten ist seine Botschaft an mich.
Meine Botschaft zurück: #neverforget #NieWieder #NazisRaus 2/2 pic.twitter.com/xtZfV6m351

— Joe Kaeser (@JoeKaeser) July 12, 2019

काएसेरले आप्रवासीहरूको समर्थन गर्ने गरेकाले उनलाई मारिदिने धम्की आएको हुन सक्छ । उग्रदक्षिणपन्थी नवनाजीहरूले आप्रवासीलाई जर्मनी आउन दिइएको विरोध गरिरहेका छन् ।

एजेन्सी