काठमाडौं- प्रधानमन्त्री निवास बालुवाटारमा मन्त्रिपरिषद्को आकस्मिक बैठक बसिरहेको छ ।

बैठकमा बाढीपहिरोले देशैभर पुर्‍याएको क्षतिका विषयमा छलफल हुने बालुवाटार निकट स्रोतले जानकारी दियो ।

तीन दिनदेखि देशका विभिन्न ठाउँमा परेको अविरल वर्षाले निम्त्याएको बाढीपहिरोले हालसम्म ४ दर्जनभन्दा बढीको ज्यान लिइसकेको छ ।

'यही सन्दर्भमा आजको बैठकले कुनै महत्त्वपूर्ण निर्णय लिन सक्ने सम्भावना देखिन्छ,' स्रोतले लोकान्तरसँग भन्यो । 

प्राकृतिक विपत्तिका कारण ज्यान गुमाएकाहरूको परिवार, घाइते र घरवारविहीनहरूका लागि कुनै विशेष किसिमको राहत प्याकेज घोषणा गर्न सक्ने सम्भावना रहेको छ ।