काठमाडौं – इन्डोनेसियाको पूर्वी क्षेत्रमा रहेको दुर्गम मालुकुमा ७.३ म्याग्निच्युडको भूकम्प गएपछि घरमा बसिरहेकाहरू सडकतिर भागेका छन् । सुनामीको चेतावनी भने जारी गरिएको छैन । 

भूकम्प स्थानीय समयअनुसार ६ बजेर २८ मिनेटमा गएको थियो । टेर्नाटे नामक शहर भूकम्पको केन्द्रविन्दु भएको यूएस जियोलोजिकल सर्भेले जनाएको छ । 

‘भूकम्प निकै ठूलो थियो । घरमा बसिरहेका मानिस बाहिर भागे । उनीहरू डराइरहेका थिए र अहिले सडकको छेउमा प्रतीक्षा गरिरहेका छन्,’ विपत न्यूनीकरण संस्थाका अधिकारी मन्सुरले बताए । 

अधिकारीहरूले परिस्थितिको मूल्यांकन गरिरहेको र हताहतीको रिपोर्ट आइनसकेको उनले बताए । 

एजेन्सी