काठमाडौँ -आइतवार दिउँसो बसेको मन्त्रिपरिषदको आकस्मिक बैठकले लगातार परिरहेको अविरल वर्षाका कारण भएको धनजनको क्षतिमा दुख प्रकट गर्दै यथाशीघ्र उद्दार र राहतका लागि जोड दिने निर्णय गरेको छ ।

बैठकले घाइतेहरूको सम्पूर्ण उपचार खर्च राज्यले बेहोर्ने र प्रभावित क्षेत्रमा कुनै रोगको प्रकोप फैलिन नदिन स्वास्थ्यकर्मीहरूको टोली खटाउने निर्णय गरेको हो ।

बैठकले पुलहरू भत्किएर यातायात अवरुद्ध भएका स्थानमा तत्काल बेलीब्रीज बनाउने निर्णय समेत बैठकले गरेको छ ।

तीन दिनदेखिको वर्षा र त्यसका कारण सिर्जित बाढीपहिरोमा परी ६० जनाले ज्यान गुमाइसकेका छन् । अन्य २६ जना बेपत्ता छन् ।

हेर्नुहोस् मन्त्रिपरिषद बैठकका अन्य निर्णयहरू -