×

NMB BANK
NIC ASIA

अन्तिम चरणमा नेकपा एकता

नेकपा एकता प्रक्रिया – विधान मिचेर भागबण्डा, 'विधिको हरिबिजोक' !

साउन २, २०७६

NTC
Sarbottam
फाइल फोटो
Premier Steels
Marvel

काठमाडौं – असार महिनाभित्र एकताका बाँकी काम पूरा गरिसक्ने सत्तारूढ दल नेपाल कम्युनिस्ट पार्टी (नेकपा)का दुई अध्यक्ष केपी शर्मा ओली र पुष्पकमल दाहाल 'प्रचण्ड'को बारम्बारको अभिव्यक्तिका बीच साउन शुरू भयो ।

Sagarmatha Cement
Muktinath Bank

असार ३१ गतेको मध्यरातसम्म दुई अध्यक्ष, महासचिव विष्णु पौडेल र अन्य शीर्ष नेताहरूबीच सहमति जुटाउने प्रयास पनि भयो । सहमति त भयो, तर त्यो सहमति भागबण्डाको मात्र रह्यो । पूर्व एमाले र पूर्व माओवादीपक्षबीच विभागहरूको बाडफाँड भयो । हालसम्म कसलाई के जिम्मेवारी दिने भन्ने सहमति हुन सकेको छैन ।


Advertisment
RMC TANSEN
IME BANK INNEWS
shivam ISLAND

असार २४ मै भएको अध्यक्षद्वयको सहमति अनुसार जिल्ला इञ्चार्जमा तत्कालीन एमाले र माओवादी पक्षले ६०/४० को अनुपातमा बाडफाँड गर्ने तयारी भएको थियो । यसअघि जिल्ला अध्यक्ष र सचिव तोकिएको मापदण्ड अनुसार जिल्ला इञ्चार्ज र सह-इञ्चार्जमा सहमति भएको थियो ।


Advertisment
Nabil box
Kumari

तत्कालीन एमालेका र माओवादीका जिल्ला इञ्चार्जहरू नै इञ्चार्ज र सह-इञ्चार्ज हुने सहमतिमा माधव नेपालले पनि सहमति स्वरूप टाउको हल्लाएको स्रोतले दाबी गर्‍यो । 

Vianet communication
Laxmi Bank

के छ विभागहरूको स्थिति ?

मंगलवार राति अबेरसम्म बसेको शीर्ष नेताहरूको बैठकले महत्त्वपूर्ण मानिएका विभागहरूको भागबण्डा टुंगो लगाएको छ ।

बैठकले संगठन विभाग, विदेश विभाग, संसदीय विभाग र राज्य व्यवस्था विभाग पूर्वएमालेको भागमा पर्ने सहमति गरेको छ भने प्रचार विभाग र आर्थिक विभाग पूर्वमाओवादीको भागमा पारिएको स्रोतले बतायो । त्यससँगै ३२ विभागमा पूर्व एमालेले १८ र पूर्व माओवादीले १४ विभाग लिने सहमति भएपनि कुन विभाग कसले लिने भन्नेमा अझै पनि सहमति जुटिसकेको छैन ।

यी मध्ये सबभन्दा पेचिला बनेका विभागहरू संगठन, स्कूल र प्रचारप्रसार विभाग हुन् । संगठनमा लागि पहिल्यैदेखि गृहमन्त्रीसमेत रहेका रामबहादुर थापा 'बादल'लाई ल्याउन लागिएको चर्चा चलेपनि सहमति अनुसार त्यो पूर्व एमालेको भागमा पर्‍यो । अहिले वामदेव गौतमले त्यसको जिम्मेवारी लिन सक्ने चर्चा छ । 

विदेश विभागमा पूर्व प्रधानमन्त्री समेत रहेका वरिष्ठ नेता माधवकुमार नेपालले आँखा गाडेका छन् भने पूर्व माओवादीको भागमा परेको प्रचार विभागमा प्रवक्ता नारायणकाजी श्रेष्ठको दाउ छ । आफ्नो भागमा केही नपर्ने स्थिति देखिएपछि बादल असन्तुष्ट देखिएको स्रोतले बतायो । 

जिल्ला इञ्चार्ज र सह-इञ्चार्जमा कसरी मिल्यो भागबण्डा ?

सहमति अनुसार ७७ वटा जिल्लामा तत्कालीन दुवै पार्टीका इञ्चार्जहरू इञ्चार्ज र सह-इञ्चार्जका रूपमा रहने भएका छन् । ६०-४० को भागबण्डा अनुसार पूर्व एमालेले ४३ या ४४ जिल्लाको इञ्चार्ज लिनेछ भने पूर्व माओवादीले ३३ या ३४ जिल्लाको इञ्चार्ज लिनेछ । यद्यपि यसको पनि पूरै टुंगो नलागेको स्रोतले बताएको छ । 

यसअघि जिल्ला अध्यक्ष र सचिव टुंग्याउन प्रयोग गरिएकै मापदण्ड इञ्चार्ज र सह-इञ्चार्ज टुंग्याउन प्रयोग गरिएपछि विवाद कम हुने अध्यक्षद्वयको बुझाइ रहेको छ ।

'खल्तीबाट छानेर ल्याउनुभन्दा त कुनै न कुनै मापदण्ड र विधिको प्रयोग गर्नु उत्तम हो नि !' स्थायी कमिटी सदस्य वेदुराम भुसालले भने, 'हामीले कार्यदलमा पनि यस्तै मापदण्डका कुरा गरेका थियौं । यसबाट नेताको प्रिय व्यक्तिले मात्र पद पाउने स्थितिको अन्त्य गरेको छ ।' 

विभाग र जिल्ला इञ्चार्जका बारेमा मोटामोटी सहमति भएपछि केन्द्रीय कमिटीका सदस्यहरूको पनि कार्यविभाजन सहज भएको केन्द्रीय कमिटीका एक नेताले बताए । ४ सय ४१ सदस्यीय केन्द्रीय कमिटीमा पर्यटनमन्त्रीको दुर्घटनामा मृत्यु भएको र अर्का एक सदस्यले राजीनामा दिएकाले ४ सय ३७ सदस्यको कार्यविभाजन गर्नुपर्ने छ । दुई अध्यक्षका लागि कुनै कार्यविभाजन हुने भएको छैन । 

केन्द्रीय कमिटीका सदस्यहरूमध्ये अधिकांशलाई विभिन्न भूगोलको जिम्मेवारी दिइने छ भने केहीलाई विभागीय जिम्मेवारीमा राखिनेछ । पार्टीभित्रका विभिन्न प्रतिष्ठान, प्रवास, केन्द्रीय सम्पर्क कमिटी, केन्द्रीय कार्यालय लगायतका ठाउँहरूमा केन्द्रीय नेताहरूको जिम्मेवारी तोक्ने पुरानै सहमतिलाई गत मंगलवार बसेको बैठकले पनि अनुमोदन गरेको हो । 

यी सबै अनौपचारिक सहमतिहरूलाई साउन ५ गते बस्ने सचिवालय बैठकले अनुमोदन गर्ने र अन्ततः १४ महिनासम्म लम्बिएको एकताप्रक्रिया टुंगो लगाउने भनेर शीर्ष नेताबीच मोटामोटी सहमति भएको महासचिव विष्णु पौडेलले जानकारी दिए । पौडेलका अनुसार एकता प्रक्रिया टुंगिएलगत्तै पार्टीले विशेष अभियान घोषणा गर्ने र जनतासमक्ष जाने कार्यक्रम बनाउने छ । 

निर्णयमा अध्यक्षद्वय हावी, केन्द्रीय कमिटी निकम्मा !

४ सय ४१ सदस्य रहेको नेकपाको केन्द्रीय कमिटीको बैठक पार्टी एकताको दिन बसेको थियो, त्यसयता बसेको छैन । एकता भएको १४ महिना बित्दा पनि नेकपा कम्युनिष्ट पार्टीहरूले दाबी गर्नेजस्तो संगठित निर्णयले नचलेको आरोप केन्द्रीय कमिटीका नेताहरूले नै लगाएका छन् । हालसम्म दुई अध्यक्षकै ठाडो आदेशमा पार्टी सञ्चालन भइरह्यो । 

पछिल्लो समयमा वरिष्ठ नेता माधवकुमार नेपालले दुई अध्यक्षको निर्णयप्रकियामा हस्तक्षेप गर्न थालेपछि अहिले पार्टी तीन जनाको संयुक्त 'लहड'मा चल्ने गरेको एक केन्द्रीय कमिटी सदस्यले आरोप लगाए ।

पार्टी विधानको धारा १८ मा केन्द्रीय कमिटीले पार्टी एकतालाई अघि बढाउन आवश्यक निर्णय गर्ने प्रावधान उल्लेख गरिएको छ । धारा १८ मा उल्लेख गरिएको केन्द्रीय कमिटीको काम कर्तव्य र अधिकार अन्तर्गत (ङ)को बुँदा १८ मा 'पार्टी एकता र एकीकरणलाई अघि बढाउन आवश्यक निर्णय गर्ने' उल्लेख छ । विधान नै मिचेर केही शीर्ष नेताहरूले पार्टी एकताका कामहरूमा हस्तक्षेप गरेपछि केन्द्रीय कमिटीका अधिकांश नेताहरू आक्रोशित बनेका छन् । 

गत फागुन ११ गते ९ जना केन्द्रीय सदस्यले केन्द्रीय कमिटीको बैठक माग गर्दै महासचिव विष्णु पौडेललाई ज्ञापनपत्र बुझाएका थिए । केन्द्रीय सदस्यहरू डा. विजय पौडेल, प्रेम खनाल, ठाकुर गैरे, विश्वनाथ प्याकुरेल, माधव अर्याल, हरि राई, रामकुमारी झाँक्री र जयन्ती राईले केन्द्रीय कमिटी बैठक माग गर्दै ज्ञापनपत्र बुझाएका भएपनि त्यसको सुनुवाइ भएन ।

पार्टीका स्थायी कमिटी सदस्य तथा यसअघि गठन गरिएको पार्टी एकतासम्बन्धी कार्यदलका सदस्य वेदुराम भुसालले केन्द्रीय कमिटीबाट अनुमोदन गराउनु पर्ने कतिपय पार्टी निर्णयहरूमा अध्यक्षद्वयले कुनै चासो नदिएकोप्रति चिन्ता व्यक्त गर्छन् । 

लोकान्तरसँग बिहीवार कुरा गर्दै भुसालले भने, 'हाम्रो कार्यदलले पार्टी एकता प्रक्रियाका सन्दर्भमा मापदण्ड र विधि निर्धारण गर्नुपर्ने कुरा गरेको थियो, केही हदसम्म त्यो लागू भएको छ । तर विधानअनुरूप केन्द्रीय कमिटीको बैठकबाट ती निर्णयहरू अनुमोदन गराउने काम नभएकोमा दु:ख लागेको छ ।' 

यीनीहरूले जे पनि गर्छन् - घनश्याम भुसाल 

एकता प्रक्रिया टुंगो लगाउने सन्दर्भमा शीर्षनेताहरूले जे पनि गर्ने गरेको आरोप लगाउँछन् पार्टी स्थायी कमिटी सदस्य घनश्याम भुसाल ।

'जसरी हतारमा पार्टी एकीकरणका कामहरू टुंग्याउने प्रयास भइरहेको छ, यो तरिकै होइन,' लोकान्तरसँग कुरा गर्दै भुसालले भने, 'एकताका लागि कतिपय निर्णयहरूमा स्थायी कमिटीबाट प्रस्ताव जानुपर्ने र केन्द्रीय कमिटीले निर्णय गर्नुपर्ने हुन्छ । अहिले जे भइरहेको छ, सबै विधान मिच्ने गरी भइरहेको छ । शीर्ष नेताहरूको प्रवृत्ति हेर्दा यीनीहरू जे पनि गर्न सक्ने रहेछन् भन्ने बुझियो ।'

विधि र विधानको यो भन्दा ठूलो उपहास केही हुन नसक्ने गम्भीर आरोप लगाए भुसालले । 'विधिको यत्रो हरिबिजोक गरेपछि के कुरा गर्नु ?' भुसालको असन्तुष्टि थियो । 

नेकपाभित्र पार्टी एकताको प्रक्रिया टुंग्याउने विषय र पार्टी सञ्चालनको विषयमा ठूलो मतभेद छ । गत पुसमा बसेको स्थायी कमिटी बैठकमा यी विषयहरू गम्भीर रूपमा उठेका थिए ।

पुसभित्रै एकताप्रक्रिया टुंग्याएर विशेष अभियान सञ्चालन गर्ने त्यतिबेलैको निर्णय थियो । पछिल्लो सहमति अनुसार एकता प्रक्रियामा भएको 'ब्रेक थ्रू'ले पार्टीलाई ढिलै भएपनि एउटा खुशी दिएको त छ, तर यसले पार्टीभित्र थप विवाद निम्त्याउने सम्भावना पनि उत्तिकै छ ।
 

hAMROPATRO BELOW NEWS
TATA Below
माघ १८, २०८०

सत्ता र शक्तिको आडमा गैरकानूनी ढंगले सरकारी जग्गा हडप्ने नेपालको शक्तिशाली व्यापारिक घराना चौधरी ग्रुपमाथि राज्यको निकायले पहिलोपटक छानबिन थालेको छ । काठमाडौंको बाँसबारीमा ठूलो परिमाणमा सरकारी जग्गा...

मंसिर १९, २०८०

कुनै राजनीतिक संक्रमण वा अवरोध नभएको समयमा मन्त्रीहरूबीच कसले राम्रो काम गर्ने भनेर प्रतिस्पर्धा हुनुपर्ने हो । तर, विडम्बना ! सहज राजनीतिक अवस्थामा पनि झन्डै एक वर्षसम्म सरकारमा रहेका अधिकांश मन्त्रीको कार्यप्रगति ...

चैत १, २०८०

सर्वोच्च अदालतको परमादेशले प्रधानमन्त्रीबाट पदमुक्त भएपछि नेकपा एमालेका अध्यक्ष केपी शर्मा ओली बालुवाटारबाट रित्तो हात फर्केका थिए, २०७८ असार ३० गते । संसद् विघटनको अवगाल छँदै थियो, लामो समय सँगै राजनीति गर...

माघ १५, २०८०

अन्तिम समयमा आएर कुनै फेरबदल नभएको खण्डमा सम्भवत: आज एनसेलको शेयर खरिद बिक्री सम्बन्धमा छानबिन गर्न सरकारले गठन गरेको समितिले आफ्नो अध्ययन प्रतिवेदन बुझाउने छ । बहस चरम उत्कर्षमा पुगेका कारण एक निजी कम्पनीको अप्...

पुस ६, २०८०

एकाधबाहेक अधिकांश मन्त्रीले प्रभावकारी कार्यसम्पादन गर्न नसकेपछि प्रधानमन्त्री पुष्पकमल दाहाल ‘प्रचण्ड’ स्वयंले मन्त्रीहरूलाई प्रस्ट चेतावनी दिएका छन् । नेपालीलाई नक्कली भुटानी शरणार्थी बनाएर अमेरिका ला...

मंसिर २६, २०८०

दुई–दुईपटक मिर्गौला फेरेको शरीर । मध्यजाडो नजिकिँदै गरेका मंसिरका चिसा दिन । त्यसमाथि वृद्धावस्था । यस्तो बेला ७० नाघेकाहरूको अधिकांश समय ओछ्यानमै बित्छ । नभए पनि घरको चार दिबारभित्र आराम गरेर अनि तात...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x