काठमाडौं – भारतको कर्नाटक राज्यमा कुमारास्वामी सरकार हटेपछि भारतीय जनता पार्टीले सत्तारोहण गर्ने तयारी शुरू गरेको छ । 

भाजपाले सरकार गठनको फूलप्रूफ प्लान बनाएको छ । अन्तिम समयमा कुनै खेल नहोस् भन्नका लागि उसले प्लान बनाएको हो । 

त्यसैले गर्दा मुम्बईमा डेरा जमाएर बसेका कांग्रेस र जेडीएसका बागी विधायकहरू भाजपाका बीएस येदियुरप्पाले मुख्यमन्त्री पदको शपथ लिएपछि मात्र बेंगलुरु जानेछन् । भाजपा सूत्रले बताएअनुसार, कुमारास्वामी सरकारले विश्वास मत नजितेपछि विधायक खुशी छन् । 

कुमारास्वामी सरकार हटेपछि भाजपाले खुशियाली मनाइरहेको छ । पार्टीका विधायक रेणुकाचार्यले रमाडा होटल बाहिर समर्थकहरूसँग ढोल ठटाएर नाचगान गरेका छन् । 

कांग्रेस र जेडीएसको गठबन्धन सरकार गएपछि भाजपाले भ्रष्ट र अवैध सरकार जानु राज्यका मानिसका लागि खुशीको कुरा भएको बताए । भाजपाका नरसिंहा रावले राज्यमा नयाँ सरकारले जनताको हितमा हुने फैसला गर्ने बताए । 
फ्लोर टेस्ट हुँदा एचडी कुमारास्वामीले १०५ मत विरुद्धमा पाए भने पक्षमा ९९ भोट मात्र हासिल गरे । त्यसपछि उनले पदबाट राजीनामा दिएका छन् । 

एजेन्सी