काठमाडौं- आईसीसी टी–२० विश्वकप क्रिकेट अन्तर्गत एसियाली छनोट प्रतियोगिताको दोस्रो खेलमा नेपाल अहिले मलेसियासँग प्रतिस्पर्धा गरिरहेको छ ।

वर्षाका कारण नियमित समयमा शुरू हुन नसकेपछि खेल ९ ओभरमा छोट्याइएको थियो । वर्षा रोकिएसँगै शुरू भएको खेलमा टस जितेर फिल्डिङ रोजेको नेपालले मलेसियालाई मात्र ८३ रनमा समेटेको छ ।

अहिले नेपालले मलेसियाले दिएको ८४ रनको विजयी लक्ष्य पछ्याइरहेको छ । अहिलेको समयसम्म नेपालले ५ ओभरको खेल सकिँदा ६० रन बनाइसकेको छ । 

नेपालका नियमित कप्तान पारस खड्का र ललित नारायण राजवंशी नखेल्ने भएका छन् । उनीहरूको स्थानमा आजको खेलमा रोहितकुमार पौडेल र प्रदीप ऐरीले खेलेका छन् । पवन सर्राफ भने आजको खेलमा पनि टिमबाहिर नै छन् ।

सिंगापुरको इन्डियन एसोसिएसन मैदानमा मंगलबार भएको खेलमा कतारले नेपाललाई ४ विकेटले पराजित गरेको थियो ।