इंग्ल्याण्ड- इंग्ल्याण्डका प्यारामोटर ग्लाइडर प्राइडो ब्रुन नाम गरेका व्यक्ति हरेक दिन उडेर कार्यालय जाने गर्छन् ।

हामीलाई सपना जस्तै लाग्ने यो कुरा उनी विपनामै पुरा गर्छन्,त्यो पनि प्रत्येक दिन । कारणवश हामी जाममा पर्यौँ भने हामी सबैको सपना त्यहि हुने गर्छ । उडेर जान मिल्ने भए । तर त्यहि सपना प्रत्येक दिन इंग्ल्याण्डका यि मानिसले पुरा गरिरहेका छन् ।

उनी मैदानमा दौडिन शुरु गरेपछि १०/१२ पाइलामै आफ्ना खुट्टा हावामा उँडाउन थाल्छन् । ग्लाइडर एकपटक उडेपछि तब मात्र रोकिन्छन् जब प्यारामोटर जमिनको सतहमा आउँछ । मौसम सफा भएको दिन यसैगरि अफिस पुग्छन्। उनको अफिस दक्षिण पश्चिमी इंग्ल्याण्डको बिल्टशायरमा रहेको छ ।

उनी भन्छन् म विहानै उठेर घरबाट मौसम नियाल्छु । यदि मौसम सफा छ भने म उडेरै अफिस जान्छु, किनभने मलाई गाडीमा भन्दा उड्न मन पर्छ । उड्नु आफ्नो सौख रहेको उनी बताउँछन् । यो उनका लागि रोमाञ्चकारी र प्रेरणदायी रहेको उनी बताउँछन् । उनी शेरबार्नबट अफिस जानको लागि ३० किलोमिटरको यात्रा गर्ने गर्छन् ।