काठमाडौं – चीनमा एक युवतीका प्रेमीले उनलाई मोटी भनेपछि उनले प्रेमीलाई कैंचीले घोचेर मारेकी छन् । 

प्रेमीले युवतीलाई तिमी असाध्यै मोटी छ्यौ भन्दै आइसक्रीम किन्न दिएका थिएनन् । त्यसपछि रिसाएकी प्रेमिकाले प्रेमीलाई कैंची हानेको एक प्रत्यक्षदर्शीले बताए । 

युवतीलाई प्रहरीले पक्राउ गरेको छ । 

घटना बुधवार चीनको हेनान प्रान्तको झुमादियान शहरमा भएको हो । 

वाङ थर भएकी युवतीले झाङ थर भएका प्रेमीलाई फेङगुआङ रोडमा कैंची प्रहार गरेकी हुन् । 

उनीहरूले शपिङ गरिरहेको बेला घटना भएको प्रहरीले वीबोमा बयान जारी गर्दै भन्यो । 

झाङको अस्पतालमा उपचारका क्रममा मृत्यु भएको प्रहरीको भनाइ छ । 

उनी २० दिनअघि मात्र प्रेमी प्रेमिका बनेको चिनियाँ सञ्चारमाध्यम जेएस्टीभीले जनाएको छ । 

प्रेमीले मोटी भनेपछि फन्केकी वाङले पसलमा गएर कैंची किनेकी थिइन् अनि झाङलाई हिर्काएकी थिइन् । 

झुमादियान प्रहरीले घटनाको अनुसन्धान गरिरहेको छ ।

एजेन्सी