काठमाडौं – पत्रकार शालिकराम पुडासैनी आत्महत्या प्रकरणमा पक्राउ परेका रवि लामिछानेसहित ३ जना थप ५ दिन थुनामा नै रहने भएका छन् ।

अनुसन्धान नसकिएको भन्दै जिल्ला प्रहरी कार्यालय चितवनले १० दिनको समय मागेकोमा जिल्ला अदालत चितवनले पुन: ५ दिनको समय दिएको हो ।

अदालतले पहिलोपटक दिएको ५ दिनको म्याद सकिएपछि मंगलवार पुन: म्याद थपका लागि अदालतमा पेश गरिएको थियो ।

पत्रकार पुडासैनीले आत्महत्या गर्नुअघि खिचेको भनिएको भिडियोमा लामिछानेसहित ३ जनाको नाम लिएका छन् ।

तीनैजना अहिले चितवन प्रहरीको हिरासतमा छन् ।