उदयपुर – जिल्ला अदालत उदयपुरले ६ वर्षीया बालिका बलात्कार गरेको कसूरमा १ जनालाई १६ वर्षको जेल सजायको फैसला सुनाएको छ । 

पीडित बालिकालाई पीडकबाट २५ हजार रुपैयाँ क्षतिपूर्ति उपलब्ध गराउन पनि अदालतले आदेश दिएको छ । 

जिल्ला अदालत उदयपुरका न्यायाधीश दीपक खनालको एकल इजालासले उदयपुर जिल्लाको त्रियुगा नगरपालिका–६ लालपताका ४५ वर्षीय रामबहादुर विकलाई छ वर्षीया बालिकालाई बलात्कार गरेको ठहर गर्दै फैसला गरेको जिल्ला अदालत उदयपुरका श्रेस्तेदार राजकुमार आचार्यले बताए ।

छिमेकीकी ६ वर्षीया बालिकालाई घरमा कोही नभएको मौका छोपेर ललाइफकाई २०७५ माघ १८ गते बलात्कार गरेको अभियोगमा जिल्ला प्रहरी कार्यालयले रामबहादुरलाई पक्राउ गरी जिल्ला अदालत उदयपुरमा बलात्कारसम्बन्धी मुद्दा दर्ता गराएको थियो ।