इराकमा राखियो अमेरिकाविरोधी नारा सहितको बोर्ड (भिडियो)

भदौ २६, २०७६

काठमाडौं – अमेरिका र इजरायलविरुद्ध सन्देश लेखिएका बोर्डहरू इराकको राजधानी बग्दादका सडकहरूमा राखिएको छ । उक्त बोर्डहरू इरानी एजेन्टले अभियान चलाउने क्रममा राखेको एक इराकी गर्भनरले बताएका छन् । 

ती बोर्डहरू इरानले चलाएको प्रचारबाजी अभियान अन्तर्गत राखिएको विश्वास गरिएको छ । इराकमा रहेका प्रोक्सी समूहहरू उपयोग गरेर क्षेत्रीय शक्ति देखाउने इरानको रणनीति रहेको विश्वास गरिएको छ । 


ADVERTISEMENT

इराकको निनेभे प्रान्तका गभर्नर अतील अल–नुजेफीले गत साता अमेरिकाको विनाशको नारा सहितका बोर्ड राख्नु भनेको सरकारले इरानपक्षधर समूहलाई रोक्न नसक्नु भएको बताए । उनीहरूले इराकलाई खतरनाक अन्तर्राष्ट्रिय द्वन्द्वमा घचेडेको उनको भनाइ छ । 

एउटा बोर्डमा अमेरिकाको स्ट्याच्यु अफ लिबर्टी र राष्ट्रपति डोनल्ड ट्रम्पको चित्र राखेर यस्तो क्याप्सन लेखिएको छ ः इजरायललाई समर्थन गरेर ‘यस क्षेत्रको असुरक्षा र अस्थिरताका लागि अमेरिका जिम्मेवार छ’ ।

अमेरिकी दूतावास, राष्ट्रपति भवन र सरकारको सचिवालय भवनभन्दा एक माइलभन्दा कम दूरीमा कम्तीमा पाँचवटा बोर्ड राखिएका छन् । 

एजेन्सी
 

भदौ २६, २०७६ मा प्रकाशित

प्रतिक्रिया दिनुहोस