बसमा ट्रेन ठोकिएपछि चालकको मृत्यु, यात्री घाइते (भिडियो)

भदौ ३१, २०७६

काठमाडौं – कजाखस्तानमा रेलवे लीगमा अड्किएको बसमा आएर ट्रेन ठोकिँदा बसचालकको मृत्यु भएको छ भने नौजना यात्री घाइते भएका छन् । 

बसचालकले चेतावनीका संकेतहरू बेवास्ता गरेको प्रत्यक्षदर्शीहरूले बताए । उनले बसलाई रेलको ट्य्राकमा पुर्‍याएका थिए । 


ADVERTISEMENT

धन्य ५७ यात्रीहरूलाई चोटपटक लागेन किनकि चालकले पछाडिका ढोका अन्तिम अवस्थामा खोले र यात्रीहरूलाई बसबाट निस्कन भने । 

अधिकांश यात्रीहरू भाग्न सफल भए तर अन्यले चाहिँ खतराको बारेमा थाहा पाएनन् र ढिलो निस्के, प्रत्यक्षदर्शीहरूले बताए । 

भिडियो फूटेजमा ट्रेन चालकले बेस्सरी हर्न बजाएको तर बस नहटेपछि ठोकिएको देखिन्छ । 

ट्रेन गएर बसको अघिल्तिरको भागमा जोतिन्छ । बस एकातिर सोहोरिन्छ अनि ट्य्राकमा लतारिन्छ । 

ट्य्राकछेउमा गाडी रोकेका चालकहरू कारबाट निस्कन्छन् र दुर्घटनास्थलमा पुगेर सहायता गर्न खोज्छन् । 

बस चालककी पत्नी कन्डक्टर भएको र उनी बचेको तर पति मरेको हेर्न उनी बाध्य भएको बताइएको छ । उनीहरूका चारजना छोराछोरी छन् । 

दुर्घटना आइतवार बेलुका ७ः२० मा भएको सरकारी अधिकारी रस्लान इमानकुलोभले बताए । 

ट्रेनका यात्रीलाई कुनै चोटपटक नलागेको बताइएको छ । 

घटनाको अनुसन्धान शुरू गरिएको छ । 

एजेन्सी
 

भदौ ३१, २०७६ मा प्रकाशित

प्रतिक्रिया दिनुहोस