काठमाडौं – मंगलवार र बुधवार उकालो लागेको धितोपत्र बजारमा शेयर कारोवार मापक नेप्से परिसूचक बिहीवार भने दोहोरो अंकले ओरालो लागेको छ । 

नेपाल स्टक एक्सचेञ्जका अनुसार शेयर कारोवार मापक नेप्से परिसूचक १८ दशमलव १२ अंकले घटेर १ हजार १५५ दशमलव ३० मा पुगेको छ ।

सेन्सेटिभ परिसूचक ३ दशमलव ४९ अंकले घटेर २५२ दशमलव २१ मा झरेको छ । स्टकका अनुसार बिहीवार कूल १६६ कम्पनीको १२ लाख २४ हजार ५७२ कित्ता शेयर ३९ करोड ९९ लाख ३० हजार ८७१ रुपैयाँमा खरीद बिक्री भयो ।

कारोबार भएका १२ उपसमूहमध्ये २ उपसमूहको मात्र शेयर बढेको छ । व्यापार २ दशमलव ३७ र सामूहिक लगानी कोष शून्य दशमलव शून्य दुईले बढ्दा बैंकिङ १४ दशमलव ७९, होटल ४८ दशमलव ९३, विकास बैंक ११ दशमलव ७८, जलविद्युत् १३ दशमलव २२, वित्त शून्य दशमलव ६९, निर्जीवन बीमा १०५ दशमलव ३२, उत्पादन ४४ दशमलव १२, अन्य १८ दशमलव २४, लघुवित्त १२ दशमलव ५६, जीवन बीमा १०५ दशमलव ६ अंकले घटेकोे छ । 

कारोबार रकमका आधारमा शिवम् सिमेन्ट शीर्ष स्थानमा रह्यो । सो कम्पनीको शेयर ५ करोड २४ लाख ६२ हजार ५७१ रुपैयाँमा खरीद बिक्री भयो । प्रभू बैंक २ करोड ६७ लाख १५ हजार ७१७, सिद्धार्थ बैंक १ करोड ८१ लाख ८० हजार ३८५, नेसनल माइक्रोफाइनान्स वित्तीय संस्था १ करोड ७३ लाख ९८ हजार ९४६, नेपाल बैंक १ करोड ६५ लाख ६० हजार २०४ रुपैयाँ र नेपाल लाइफ इन्स्योरेन्स कम्पनीको शेयर १ करोड ५२ लाख ७४ हजार ६३६ रुपैयाँमा खरीद बिक्री भए । 

परिसूचक घटेपनि समता माइक्रोफाइनान्स वित्तीय संस्थाका लगानीकर्ताले १० प्रतिशतले कमाए । एक्सेल डेभलपमेन्ट बैंक ७ दशमलव २२, नेशनल माइक्रोफाइनान्स वित्तीय संस्था ५ दशमलव ७६, आँखुखोला जलविद्युत् कम्पनी ५ दशमलव ३६, नवील इक्विटी फण्ड ३ दशमलव ८० र मन्जुश्री फाइनान्सका शेयरधनीले ३ दशमलव २३ प्रतिशतले कमाए । 

गुराँस लघुवित्त वित्तीय संस्थाको लगानीकर्ताले ८ दशमलव ४६ प्रतिशतले गुमाउँदा स्पर्स लघुवित्त वित्तीय संस्था ८ दशमलव १३, नेपाल इन्स्योरेन्स कम्पनी ७ दशमलव २१, सूर्यलाइफ इन्स्योरेन्स कम्पनी ६ दशमलव १० र अरुण काबेली पावर लिमिटेडका शेयरधनीले ५ दशमलव ६७ प्रतिशतले गुमाए ।