काठमाडौं – बलिउडका चर्चित अभिनेता सलमान खान कुनै न कुनै विवादमा आइरहन्छन् । 

सुटिङ स्पटमै सहकर्मीसँग झगडा गरेर होस् या उनले हाँकेको गाडीले ठक्कर दिँदा या हरिण मारेको घटनाले, उनी बेलाबखत मिडियामा छाइरहन्छन् । 

उनको घरमा काम गर्ने कामदारलाई बुधवार प्रहरीले पक्राउ गरेपछि उनी फेरी विवादमा तानिएका छन् । २९ वर्षदेखि प्रहरीको खोजीमा रहेका ६२ वर्षिय शक्ति सिद्धेश्वर राणा विगत १० वर्षदेखि सलमानको घरको रेखदेख गर्दै आएका थिए । 

मुम्बई प्रहरीको सक्रियतामा गाराईस्थित सलमानको बंगलाबाट राणालाई पक्राउ गरिउको हो । उनीमाथि चोरी र कुटपिटको आरोपमा उजुरी दर्ता भएको थियो । 

उजुरी पर्नासाथ पक्राउ भएका राणा जमानतमा रिहा भएपछि फरार भएका थिए  । फरार राणा सलमानको घरमा काम गर्दै आएका थिए । राणा त्यहाँ रहेको जानकारी पछि मुम्बई पुलिसको अपराध शाखाले छापा मारी पक्राउ गरेको थियो । अन्नपूर्ण पोस्टमा खबर छ ।