काठमाडौं – फ्रान्समा भइरहेका कार दौड प्रतियोगितामा एउटा कार नियन्त्रण बाहिर पुगेपछि १९ वर्षीय किशोरको मृत्यु भएको छ भने पाँचजना घाइते भएका छन् । 

घटनाको फूटेजमा कार चालकले गाडीलाई छेउ लगाउनुअघि ट्य्राकबाहिर हावामा उडाएको देखिन्छ । 

किशोरको घटनास्थलमै मृत्युृ भयो भने अर्का किशोरलाई गम्भीर अवस्थामा एयर एम्बुलेन्सबाट टूलूजस्थित अस्पताल लग्नुपरेको थियो । 

अन्य तीन दर्शक र कारचालक पनि घाइते भएका छन् । 

चालकको नाम जँ–चार्ल्स बोबेलिक हो । उनी साँघुरो मोडबाट आउँदै गर्दा नियन्त्रण गुमाउन पुगेका थिए र कार हावामा उडेको थियो । 

घाइते भएका दर्शकहरू ट्य्राक नजिकको प्रतिबन्धित स्थानमा उभिएका थिए । 

घटनापछि फ्रेन्च स्पोर्ट्स फेडेरेसनले र्‍याली रद्द गरिएको घोषणा गरेको छ ।

एजेन्सी