काठमाडौं – थाइल्यान्डमा सोमवार एक बुद्ध प्रतिमा अनावरण गरेको केही समयपछि नै ढल्दा अनावरण गर्ने व्यक्ति किचिएर मरेका छन् । 

खोन काएन नामक स्थानमा आयोजित अनावरण समारोहमा गाउँ प्रमुख समन चन्तयोतीलाई प्रमुख अतिथि बनाइएको थियो । 

बुद्ध मूर्ति स्थानीयहरूका लागि सौभाग्य ल्याउनका लागि स्थापना गरिएको थियो । 

तर प्रमुख अतिथिले प्रतिमामा राखिएको वस्त्र हटाउनेबित्तिकै मूर्तिको फेद चर्कियो र विशाल मूर्ति उनको टाउकोमा पछारिएर भुइँमा लडाइदियो । 

घटनापछि स्थानीयहरू आत्तिएर तितरबितर भए । धूलो उड्न बन्द भएपछि उनीहरू मूर्तिनेर भेला भए । त्यतिखेरसम्म प्रमुख मरिसकेका थिए । 

स्थानीयहरूले १६ फीट अग्लो मूर्ति उचाल्न सकेनन् र आपतकालीन सेवाको प्रतीक्षा गरे । उनीहरू आएर क्रेनले मूर्ति उचालेर हटाए । 

जिल्ला प्रहरी प्रमुख सुपाचाइ लीखाओसूङ प्रहरी, प्यारामेडिकहरू तथा उद्धारकर्ताहरूलाई लिएर घटनास्थलमा पुगे । 

मूर्तिको फेद बलियो नभएकाले अनावरण गर्ने क्रममा त्यो ढलेको उनीहरूले पत्ता लगाए । 

समनको परिवारले उनको पार्थिव शरीरलाई मन्दिर लगेर धार्मिक संस्कार गराए । 

दुर्घटनाका कारण मृत्यु भएको उनीहरूले स्वीकार गरे र थप अनुसन्धानको अनुरोध गरेनन् ।

एजेन्सी