काठमाडौं – भारतको पश्चिम बंगालमा एकजना फोटोग्राफर हात्तीको झुण्डको निकै नजिक पुगेपछि रिसाएको हात्तीले उनलाई कुल्चेको छ । 

आशिष शित नामक ती फोटोग्राफरले अतादिही जंगलमा १२ वटा जंगली हात्तीको तस्वीर खिच्दै गर्दा हात्तीले कुल्चिएको हो । 

‘शित स्थानीय जंगलमा हात्तीहरूको तस्वीर खिचिरहेका थिए । उनी हात्तीको एकदम नजिक पुग्दा हात्तीले कुल्चियो । उनलाई भानगागढ अस्पताल लगियो । चिकित्सकहरूले उनलाई मृत घोषित गरे,’ डिभिजनल वन अधिकारी अरुप मुखर्जीले बताए ।

विगत १० दिनमा पश्चिम बंगालमा हात्तीले मान्छे मारेको यो आठौं घटना हो । 

एजेन्सी