काठमाडौं – दक्षिण अफ्रिकाको शामवारी वन्यजन्तु आरक्षमा एक सिंहिनीको वार्टहगसँग भिडन्त परेर आँखामा चोट लागेपछि नीलो आँखा नाम दिइएको छ । 

बूढी सिंहिनीले वार्टहगको शिकार गर्दै गर्दा त्यसको दाह्रा आँखामा गाडिएपछि आँखा नीलो भएको हो । 

सिंहिनीको चोट अहिले नीलो नक्कली आँखा जस्तो देखिन्छ । तर पशुविज्ञहरूका अनुसार, आँखा सुन्निएको मात्र हो र भित्रका नशा फुलेर उक्सिएपछि त्यस्तो रंग देखिएको हो । 

यी सिंहिनी आफ्नो समूहकी सबभन्दा खतरनाक शिकारी भएको र चोटपटक लागे पनि अझै खतरनाक रहेको स्थानीय रेन्जरहरू बताउँछन् । 

सिंहिनीको तस्वीर अस्ट्रेलियाका ४६ वर्षीय फोटोग्राफर सार्शा रिन्कोभेकले खिचेका हुन् । 

रेन्जरहरूले ती सिकारु फोटोग्राफरलाई सिंहिनी समूहकी नेत्री भएको र साना सिंहहरूलाई शिकार गर्न सिकाउने गरेको बताएका थिए ।

एजेन्सी