दुई वर्षको अफेयरपछि रणबीर कपूर र आलिया भट्टले चाँडै नै विवाह गर्ने तयारी गरेको खबर आइरहेको छ ।

दुवै आगामी फिल्म 'ब्रह्मास्त्र'को रिलिजपछि वैवाहिक बन्धनमा बाँधिने भारतीय सञ्चारमाध्यमहरूले जनाएका छन् ।

बताइएअनुसार उक्त फिल्म डिसेम्बर ४ मा रिलिज हुँदैछ । यी दुवैले अभिनय गरेको यो पहिलो फिल्म हो ।

रिपोर्ट्सलाई मान्ने हो भने रणबीर र आलियाले विवाहको तयारी शुरू गरेका छन् । नातेदारलाई विवाहको मिति बूक गर्नसमेत भनिसकिएको छ । यद्यपि स्थान भने तय भइसकेको छैन ।

रणबीर-आलियाले विराट-अनुष्काले जस्तै बाहिर बिहे गर्छन् या भारतमै गर्छन् त्यो भने हेर्न बाँकी नै छ ।

यसअघि पनि यी दुईले फ्रान्समा बिहे गर्ने खबर आएको थियो । तर त्यो फेक सावित भयो ।