×

NMB BANK
NIC ASIA

सन्दर्भ : जनयुद्ध दिवस

'शहीदहरूको माटोलाई ढोग्न प्रचण्ड र ओली रुकुम–रोल्पा जानुपर्थ्यो'

फागुन १, २०७६

NTC
Sarbottam
Premier Steels
Marvel

विगतमा जस्तै आज पनि फागुन १ गतेको साइत पारेर महान शहीदहरूको सम्झनामा केही रिटायर्ड फौजीले लडाईंको संस्मरण सुनाउँदैछन् । घाइते कोही अझै बाँचिरहेका छन् भने तिनले घाउ दुखेको बयान दिनेछन् । छोरा बेपत्ता छन् भने आजको दिन आमा रुनेछिन् । केहीले पुराना जनमिलिसियाको बर्दी लगाएको फोट सामाजिक सञ्जालमा सार्वजनिक गरेर क्याप्सनमा 'ती गौरवशाली दिनहरू' भनेर लेख्नेछन् । 

Sagarmatha Cement
Muktinath Bank

नेकपा अध्यक्ष एवं पूर्वप्राधनमन्त्री पुष्पकमल दाहालका लागि भने आजको बिहानी हिजोको भन्दा अलिक पृथक लाग्नेछ । हिजो ब्रेकफास्ट ग्वामग्वाम जान्थ्यो भने आज अलिकति बाडुल्की लाग्नेछ । आफू बसेको समयमा तत्कालीन शाही सेनाले झण्डै उडाएको त्यही भेरीडाँडाकी ५० वर्षीया जुनसरा ओलीको घरको सम्झना आउनेछ । त्यही घरको एउटा सामान्य खाट, तन्ना, सिरानी र सिरकको पनि प्रचण्डलाई आजको दिनमा स्मरण हुनेछ ।


Advertisment
RMC TANSEN
IME BANK INNEWS
shivam ISLAND

प्रधानमन्त्री केपी ओलीलाई भने आजको दिनको कुनैपनि याद आउने छैन । धेरै याद आयो भने 'गुलेली चलाउन नजान्ने माओवादीहरू' भन्दै उत्तेजक भाषण गरेको स्मरण होला । आजको दिनमा यस्तो छिर्के कुरा गर्नु ज्यादै खतरनाक हुन जान्छ । देश र जनताका लागि ओलीले १४ वर्ष जेल जीवन बिताएका छन् । २०२७ सालको झापा विद्रोहमा तत्कालीन नेकपाको पार्टी निर्णय शिरोधार्य गरी उनी पनि सशस्त्र संघर्षमा होमिएकै हुन् । 


Advertisment
Nabil box
Kumari

तत्कालीन नेकपा (माओवादी केन्द्र) र एमालेको एकतापश्चातको पहिलो जनयुद्ध दिवसमा केपी ओली पेरिसडाँडा जान हिच्किचाएका थिए । बेहुलीलाई अलिकति लाज लाग्नु स्वभाविक थियो । प्रचण्डको लाइनमा देश चलेपछि दुलाहाराजा पनि प्रचण्ड नै थिए, तर आज एकाएक धुम्बाहीको ढोकामा पुष्पगुच्छाहरू तयार भइसकेका छन् । पार्टी एकतको छनक दिन र लिन कार्यकर्ताहरू आइसक्रिमजस्तो मीठो तर चिसो मन लिएर यताउता दौडिरहेका छन् ।

Vianet communication
Laxmi Bank

नेतृत्वले बिर्सिएको रोल्पा–रुकुम

जनयुद्ध दिवस मनाउनुको अर्थ, जनयुद्धसँग जोडिएका भावनासँग वर्षमा एकदिन पुनर्जागरण गर्नु, पुनर्मिलन हुनु र फेरि जनयुद्धमा शहीद भएका महान मान्छेहरूको सपनालाई साकार पार्ने प्रतिबद्धता जाहेर गर्नु । तर नेतृत्वले कहिले पेरिसडाँडा त कहिले घुम्बाराहीमा सुकिला–मुकिला कार्यकर्ताहरू जम्मा गरेर साथमा चियापान गरेर, अवीर र माला लगाएर, जनयुद्ध दिवस मनाउन लागेको छ । रोल्पा-रुकुम बिर्सेको छ, अर्थात् रोल्पा–रुकुमले जनयुद्ध बिर्संदैछ ।

रोल्पा र रुकुम नेपालको जनयुद्धसँग रणनीतिक महत्त्व राख्ने, राजनीति उथलपुथल ल्याउने जिल्ला हुन् । यी दुई जिल्लासँग हालको नयाँ नेपालले क्षतिपूर्तिको हिसाबकिताब गर्न नै बाँकी छ । यी दुई जिल्लालाई प्रचण्डले आँसु, पसिना र रगतको मूल्य तिर्न बाँकी नै छ । 

फागुन १ गते रुकुम, रोल्पाका कुनाकाप्चा, बाटोघाटो र रुखका टुप्पामा राता ब्यानर, टुल, हँसिया–हथौडा सहितका झण्डा फरफराइरहेका हुन्थे । माओवादी शान्ति प्रक्रियामा आएको दशकसम्म पनि त्यहाँ जनयुद्ध दिवस भव्य मनाइन्थ्यो । तर, पछिल्ला केही वर्ष दिवस फिक्का बन्दै अहिले मनाउनै छाडिएको छ ।

जनयुद्ध दिवसमा यहाँका जनतासँग राज्यले उत्सव मनाउन पुग्नुपर्छ । देशभरिका मानिसहरू नाराबाजी गर्दै, बाजागाजा बजाउँदै, हर्षोल्लासले नाँच्दा रोल्पा–रुकुम पुग्नुपर्छ । 

आदिवासी जनजातिहरूको बाहुल्यता रहेको रोल्पा-रुकुम सोझो हुनु उनीहरूको कमजोरी हैन । यी जिल्लाका मानिसहरूले राजनीतिकरूपमा प्रचण्डपथलाई उचाइमा पुर्‍याउन मद्दत गरे । केन्द्रीकृत शासन व्यवस्थालाई विकेन्द्रीकरण गर्न सहयोग गरे र आफ्नो भूमिलाई भविष्यको राजधानी सम्झेर मुक्तिको लडाईं लडी नै रहे ।

रोल्पा-रुकुमले जनयुद्धलाई के दिएन ? कलाकार दियो, नेता दियो, सेल्टर दियो, छापामार दियो, रगत दियो, गाँसबास दियो, यतिसम्म कि ऊ आफूलाई 'जेनोसाइड' बनाउन तयार रह्यो । तत्कालीन शाही फौजको असिनाजस्तो गोलीको वर्षा आफ्नै आगनमा थापिरह्यो । तर पार्टीले, राज्यले रुकुम–रोल्पालाई के दियो ? केही पनि दिन सकेको छैन । नेतृत्वसँग खुसी साटासाट गर्ने मौका पनि पाएको छैन ।

पछिल्ला दिनहरूमा रोल्पा-रुकुमसँग प्रचण्डले मात्र हैन जनयुद्धले पनि साइनो तोड्दै गएको प्रतीत हुन्छ । प्रचण्डलाई प्रचण्ड बनाएको उनको विचारले हो, र रोल्पा-रुकुमले पनि हो । विद्यादेवी भण्डारीलाई राष्ट्रपति बनाउन र केपी ओलीलाई विना कुनै तानाशाहको डर निर्धक्क सरकार चलाउने जनमत दिने पृष्ठभूमि पनि रोल्पा-रुकुम नै हो । तर रोल्पा-रुकुमको साइनो राज्यसँग पनि तोडिन लागेजस्तो देखिन्छ । 

थबाङमा जनयुद्ध दिवसका दिन खासै रौनकता देखिन्न । युद्दको समयमा सबैभन्दा धेरै मानवीय क्षति भएको थवाङले शान्ति प्रक्रियापश्चात जनयुद्ध दिवसको असली मज्जा लिन पाएन । जनयुद्धताका त्यहाँ सबैभन्दा धेरै मानवीय क्षति भएको थियो । थबाङका मात्र ९६९ जनाले ज्यान गुमाएका थिए भने ३३ जना बेपत्ता भएका थिए । सयौं घाइते, अपाङ्ग, टुहुरा–टुहुरी छन् । जनयुद्धले दिएको पीडा कम गर्न मलम लिएर राज्य गयो कि गएन त्यो समीक्षाको विषय भयो तर कम्तिमा कहिलेकाहीँ जनयुद्ध दिवसका दिन प्रचण्डलाई आफ्नै भूमिमा देख्ने थवाङवासीको सपना अन्यायपूर्ण हुन सक्दैन । 

२०५२ फागुन १ गतेकै दिन रोल्पा जिल्लामा रहेको होलेरी प्रहरी चौकी आक्रमण गर्दै तत्कालीन नेकपा माओवादीले दीर्घकालीन जनयुद्ध घोषणा गरेको थियो । 'प्रतिक्रियावादी राज्यसत्तालाई घ्वंस गर्दै नयाँ जनवादी सत्ताको स्थापना गर्न जनयुद्धको बाटोमा अघि बढौं' भन्ने पार्टीको मूलनारा थियो । जनयुद्धको रापतापमा रोल्पा-रुकुम पुरै जाग्यो, यदी रोल्पा-रुकुम जाग्न नसकेको भए देश सुतेकोसुत्यै हुनेथियो । 

जनयुद्ध घोषणा गर्ने पार्टीका अध्यक्षको अनुहार कस्तो छ भनेर आम जनतालाई मात्र हैन पार्टीका नेता कार्यकर्तालाई पनि थाहा थिएन । 

काठमाडौंलाई पनि राम्रोसँग थाहा थिएन । तत्कालीन शाही सेनाने पद्मरत्न तुलाधारलाई प्रचण्ड ठानेर निकै दु:ख दिने गरेको थियो । २०५५ सालमा प्रचण्डको पहिलो स्केच सार्वजनिक भएपछि बल्ल मानिसहरूलाई लाग्यो प्रचण्ड मानिस नै रहेछ । प्रचण्डको पहिलोपटक सार्वजनिक भएको 'स्केच' लेखक गुणराज लोहनीले कोरेका थिए । रोल्पा-रुकुमलाई त नेतृत्वले बिर्सन खोज्यो । आजको दिन यी लोहनीलाई कसैले सम्झियो कि सम्झिएन, थाहा भएन । 

फागुन १ गते रुकुम, रोल्पाका कुनाकाप्चा, बाटोघाटो र रुखका टुप्पामा राता ब्यानर, टुल, हँसिया–हथौडा सहितका झण्डा फरफराइरहेका हुन्थे । माओवादी शान्ति प्रक्रियामा आएको दशकसम्म पनि त्यहाँ जनयुद्ध दिवस भव्य मनाइन्थ्यो । तर, पछिल्ला केही वर्ष दिवस फिक्का बन्दै अहिले मनाउनै छाडिएको छ । कतिपय अवस्थामा विप्लवले मनाउन नदिएका घटना पनि छन् । जनयुद्ध दिवस मनाउन नेतृत्व काठमाडौं नछाड्नुको कारण रोल्पा-रुकुममा जनजातिहरू छन्, के जनजाति भएको ठाउँलाई महत्त्व दिनु यार भनेर त हैन नि ? शंका लाग्छ । यसकारण शहीदहरूको माटो ढोग्न प्रचण्ड र केपी ओली रुकुम–रोल्पा जानुपर्थ्यो ।

हुन त वाइफाइ भन्ने जिनिस आएपछि कमरेडहरू अल्छी भएका छन् । बैठक पनि फेसबूकको ग्रुप म्यासेन्जरमा बस्न थालेका छन् । र बैठकको निर्णय कुनै माफियाको रंगीचंगी बगैँचा भएको रिसोर्टबाट सार्वजनिक गर्ने गरेका छन् । यस्तो अवस्थामा सामान्य कार्यकर्तालाई फागुन १ गतेका दिन रोल्पा-रुकुम पुगेर आऊ भन्ने कुरा कोलम्बसले अमेरिका पत्ता लगाउन हिँडेजस्तो हुन्छ । 

यस्तो अवस्थामा दुईतिहाइ बहुमतको सरकार सञ्चालन गरिरहेको देशको सबैभन्दा ठूलो पार्टीको अध्यक्ष र प्रधानमन्त्रीलाई 'शहीदहरूको माटो ढोग्न रुकुम–रोल्पा जानुपर्थ्यो' भनेर अर्ति उपदेश दिने काम लेखनदासले सर्वोच्च अदालतको न्यायाधीशलाई काम गर्न सिकाएजस्तो हुन्छ । हुन त नेताज्यूहरूले चाहेमा नहुने कुरा केही छैन । सारंगी रेट्न, बाँसुरी बजाउन सबै गर्न सकिन्छ । 

शहीदको सम्मान गर्ने बहानामा एक मिनेट मौनधारण गर्‍यो, चिया–बिस्कुट खायो, सामूहिक फोटो खिच्यो, समाचार शेयर गर्‍यो, सकियो । नित्यकर्मका लागि फागुन १ गतेको एक थान जनयुद्ध दिवस सम्झिने तर जनयुद्धको मर्म, भावना र भाष्य बिर्सिने परिपाटी मौलाएको छ । जनयुद्धका लागि आँसु, पसिना र रगत सुम्पिएको रोल्पा-रुकुम बिर्सिने रिटायर्ड माओवादीहरू हाल कुनै एलिट वर्गको परिवारमा जसरी गालाभरि केक दलेर जन्मदिन मनाइन्छ, त्यसरी नै जन्मदिनको शुभकामनामा भूलेका छन् । तिनलाई आफ्नो मुहान सुकेको पत्तै छैन । तिनीहरू एकथान सेल्फीमा रमाएका छन् ।

शहीदहरूले खोजेको के हो ? शहीदहरूको विचारले देखाएको बाटो के हो ? शाहिदहरूको शालिक खडा गरिनुको भाष्य के हो ? एकसरो माला, एक पोका अवीर अनि बिर्सिसकेको अभिवादन ? पक्कै पनि हैन । हार्दिक श्रद्धाञ्जली र एक मिनेटको मौनधारणले शहीदको सपना पूरा हुँदैन ।

शहीदहरूले खोजेको के हो ? शहीदहरूको विचारले देखाएको बाटो के हो ? शाहिदहरूको शालिक खडा गरिनुको भाष्य के हो ? एकसरो माला, एक पोका अवीर अनि बिर्सिसकेको अभिवादन ? पक्कै पनि हैन । हार्दिक श्रद्धाञ्जली र एक मिनेटको मौनधारणले शहीदको सपना पूरा हुँदैन । प्रचण्ड मानिस हैनन्, विचार हुन्, यो कुरा उनले विचार गर्नुपर्छ कि मेरो जरा, मेरो हाँगा रुकुम हो, रोल्पा हो, म त्यहाँ विशेष दिनहरूमा पुग्नुपर्छ भनेर ।
जनयुद्धको परिणामस्वरूप २५० वर्षभन्दा लामो केन्द्रीय सामन्ति राजतन्त्रात्मत राज्यव्यवस्थाको अन्त्य हुन गई शदियौंदेखिको दमनकारी शासकहरू किनारा लाग्न बाध्य भयो ।

त्यही जनयुद्धको प्राथमिक माटोलाई नभुलौं, नबिर्सौं । मुलुक संघीय लोकतान्त्रिक गणतन्त्र भएसँगै नागरिक सर्वोच्चता नागरिककै हातमा आयो । कसैले स्वीकार गरोस् वा नगरोस्, नेपाली जनताको चेतना, राजनीति र समग्र अधिकारका लागि, पहिचानका लागि, समावेशिताका लागि उत्पीडित वर्गका लागि जनयुद्ध एक वरदान थियो । तर कार्यन्वनका हिसाबले अझै गर्नुपर्ने काम धेरै नै छन् ।

शहीद परिवारका छोरोछोरीले पढ्न पाएका छैनन् । शहीदकी श्रीमतीहरूले परिवार पाल्न निकै ठूलो मेहेनत गर्नुपरेको छ । बेपत्ताहरूको स्थिति सार्वजनिक गर्नका लागि सरकार उदासीन छ । गणतन्त्रपछिका दशकामा युवाहरू बिदेसिने क्रम बढेको छ । शिक्षा, स्वास्थ्यजस्ता आधारभूत चिजहरू माफियाको हातमा पुगेका छन् । यी सबै चिजलाई जनस्तरसम्म सर्वसुलभ ढंगले पुर्‍याउनु राज्यको दायित्व हो । राज्यको दायित्व यो पनि हो कि रोल्पा-रुकुमलाई सौतेनी व्यवहार नगर्नु ।

hAMROPATRO BELOW NEWS
TATA Below
पुस ४, २०८०

डिसेम्बर पहिलो साता एनसेलको माउ कम्पनी आजियाटाले आफ्नो रेनोल्ड होल्डिङ्स यूकेको शतप्रतिशत स्वामित्व गैरआवासीय नेपाली सतिशलाल आचार्यको कम्पनी स्पेक्ट्रलाइट यूकेलाई बेच्न गरेको सम्झौताबारे समाचार बाहिरिएको झन्डै ३ हप्...

कात्तिक ३०, २०८०

केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...

पुस ११, २०८०

नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...

कात्तिक २४, २०८०

राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...

फागुन २८, २०८०

उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...

फागुन १, २०८०

गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...

अपराजित जनयुद्धको पराजित कथा

अपराजित जनयुद्धको पराजित कथा

चैत १४, २०८०

सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...

निर्मोही राज्य र युगीन अवतारको प्रतीक्षामा नेपाली समाज

निर्मोही राज्य र युगीन अवतारको प्रतीक्षामा नेपाली समाज

चैत १२, २०८०

रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन ।  सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...

सत्यको खोजी

सत्यको खोजी

चैत १०, २०८०

कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...

x