नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले सही विचार र नेतृत्वकै कारण जनयुद्धलाई शान्तिमा रुपान्तरण गरेको बताएका छन्। 

जनआन्दोलन तथा जनयुद्धका शहीदहरुको स्मृतिमा नेकपा चितवनद्वारा बिहीबार भरतपुरमा आयोजित श्रद्धाञ्जलिसभालाई सम्बोधन गर्दै  प्रचण्डले धैरै वर्षसम्मको वैचारिक बहस र कसरतपछि शान्ति प्रक्रिया र पार्टी एकीकरणका काम भएको बताए।

‘तत्कालीन नेकपा एमाले र माओवादीबीचको शृङ्खलाबद्ध वार्ताले देशलाई संघीय गणतन्त्रमा लैजाने अठोट गरेको हो,’ उनले भने, ‘त्यसले देशलाई युगीन परिवर्तन ग-यो ।’

उनले कसैको नक्कल गरेर क्रान्ति नगरको भन्दै नेपालको क्रान्तिमा आफ्नैपन रहेको बताए। ‘'नेपालमा जस्तै मौलिक परिवर्तन दुनियाँमा कतै भएको छैन्,’ उनले भने, ‘यो सही विचारका कारण हुनसक्यो।’