म चलचित्र क्षेत्रमा प्रवेश गर्दा परिवारले रुचाएका थिएनन् : राजेश हमाल

‘नेपाल अन्तर्राट्रिय फिल्म फेस्टिभल’ (निफ) मा आफ्नो कथा सुनाइरहेका थिए, महानायक राजेश हमालले। आइतबार राष्ट्रिय सभागृहको प्रेक्षालयमा उनले आफ्नो अभिनय फिल्म यात्रासँगै पारिवारिक पृष्ठभूमि पनि खोतल्न भ्याए।

नेपाली फिल्म क्षेत्रबाट आफूले नाम, दाम अनि पहिचान बनाउन सकेकोमा हमालले गर्व गरे। तर फिल्म क्षेत्रमा आफ्नो प्रवेश परिवारले नरुचाएको सुनाए, ‘पाकिस्तान हिँड्ने बेलामा बुवाले मलाई बिदाइको हातसम्म हल्लाउनु भएन। किनकि मेरो फिल्म रोजाइप्रति उहाँ सन्तुष्ट हुनुहुन्नथ्यो।’ फिल्म यात्राको सफलता बुवालाई देखाउन नपाएकोमा अनि बुवासँगको चिसो सम्बन्धले हमाललाई आज पर्यन्त पोलिरहेको छ। ‘मलाई विश्वास थियो कि एक दिन बुवालाई मेरा रोजाइ र छनोटप्रति विश्वास दिलाउन सक्छु।


Advertisement

मेरो कर्मले बुवालाई खुसी बनाउन सक्छ भनेर,’ उनले भने, ‘अफसोच मैले मेरो कामप्रति विश्वास दिलाउन नपाउँदै बुवाले सधैंका लागि छाडेर जानुभयो।’ उनका बुवा पाकिस्तानमा राजदूत छँदा त्यही बित्नु भएको थियो। उनी त्यसबेला आफू फिल्म गोपीकृष्णको छायांकनस्थलमा रहेको स्मरण गरे।

केही समयपहिले बितेका चलचित्र विकास बोर्डका अध्यक्ष केशव भट्टराईलाई सम्झिए हमालले, ‘अस्ति केशव भट्टराईको निधनमा पनि बुवाको याद आयो। उहाँहरूको निधन मिल्दोजुल्दो थियो। भट्टराई झैं मेरा बुवाको पनि गाडीमा श्वासप्रश्वासमा समस्या आएर भएको थियो। उहाँहरूको उमेर पनि उस्तै उस्तै ५६ को।’ बुवासँग राम्रो सम्बन्ध हुन नसके पनि उनले आफ्नो सफलताको श्रेय भने बुवाआमालाई नै दिन चाहन्छन्। वर्तमानमा पनि आफ्नो क्रेज रहिरहनुमा त्यही भावनात्मक बुझाइ रहेको महसुस गर्छन्। अन्नपूर्ण पोस्टमा खबर छ ।


Advertisement

छापाबाट
छापाबाट

लेखकबाट थप...

कमेन्ट गर्नुहोस्