प्रमुख प्रतिपक्षी दल नेपाली कांग्रेसले सञ्चार तथा सूचना प्रविधिमन्त्री गोकुल बाँस्कोटालाई तत्काल बर्खास्त गरेर अनुसन्धान थाल्न माग गरेको छ ।

कांग्रेस प्रवक्ता विश्वप्रकाश शर्माले बिहीवार एक विज्ञप्ति प्रकाशित गरी मन्त्री बाँस्कोटालाई बखास्त गर्न माग गरेको हो ।

सेक्युरिटी प्रेस खरिदसम्बन्धी खरिद प्रक्रियामा एक विदेशी कम्पनीका नेपाल एजेन्टसँग घूस मागेको अडियो बाहिर आएपछि कांग्रेसले मन्त्री बाँस्कोटको राजीनामा माग गरेको हो ।

अडियो प्रकरणबारे अहिलेसम्म सञ्चारमन्त्री बाँस्कोटाले मुख खोलेका छैनन् । सामाजिक सञ्जालमा पनि मन्त्री बास्कोटाको चर्को आलोचना भएको छ ।

यो अडियो सार्वजनिक हुँदा कञ्चनपुरमा रहेका मन्त्री बाँस्कोटाले काठमाडौं पुगेर नै यसबारेमा बोल्ने बताएका छन् ।

सरकारले पसर्पोट, लाइसेन्स, राजश्वका स्टिकरलगायत छाप्नका लागि सरकारले सेक्युरिटी प्रिन्टिङ प्रेस स्थापनाको तयारी गरेको छ ।

हेर्नुहोस्, कांग्रेसको विज्ञप्ति :