महाशिवरात्रिमा पशुपति क्षेत्र आएका साधुसन्तलाई दक्षिणा दिएर बिदाइ शुरु गरिएको  छ।

फागुन कृष्ण एकादशीदेखि औँसीसम्म संस्थानले धुनीका लागि दाउरा र खानाको व्यवस्था गरेकोमा  वर्गीकरण गरेर १ सय ५१ देखि ९ सय ५१ सम्म दक्षिणा दिएर विदाइ गरिरहेको हो।

पशुपति गोश्वारा कार्यालय प्रमुख उमा आचार्यका अनुसार साधुलाई श्रीमहन्त, महन्त, लालमोरिया नागाबाबा, सामान्य जोगीलगायत वर्गमा वर्गीकरण गरिएको छ।
यसवर्ष पशुपतिमा करिब ४ हजार साधुसन्त आएको पशुपति क्षेत्र विकास कोषको अनुमान छ।

कोषका प्रशासकीय अधिकृत रेवतीरमण अधिकारीका अनुसार संस्थानले दक्षिणासहित बिदाइ गरेसँगै कोषका तर्फबाट पनि थप दक्षिणा दिइने छ।