पोखरामा प्रधानमन्त्री केपी शर्मा ओलीलाई कालो झण्डा देखाउन खोज्ने समाजवादी पार्टीनिटक समाजवादी विद्यार्थी युनियनका कार्यकर्तालाई प्रहरीले पक्राउ गरेको छ ।

गण्डकी प्रदेशस्तरीय प्रशिक्षण कार्यक्रममा सहभागी हुन पोखरा पुगेका प्रधानमन्त्री एवं नेकपा अध्यक्ष ओलीलाई विद्यार्थीहरूले सोमवार कालोझण्डा देखाएका हुन् ।

संगठनका उपाध्यक्ष नेत्र चापागाईं तथा नेताहरू रेशम सापकोटा, विशाल तिमल्सिना र प्रवास भट्टराईको पक्राउ परेको भन्दै युनियनका अध्यक्ष रूपनारायण श्रेष्ठले उनीहरूको रिहाइको माग गरेका छन् । 

सेक्युरिटी प्रिन्टिङ प्रेस खरिदका लागि कमिसन मागेको अडियो सार्वजनिक भएपछि तत्कालीन सञ्चारमन्त्री गोकुल बास्कोटाले राजीनामा दिएका थिए ।

बाँस्कोटासँगै ओलीको नाम समेत जोडिएको भन्दै संगठनले छानबिनको माग गरेको छ ।