अन्तर्राष्ट्रिय बजारमा सुनको मूल्यमा उच्च वृद्धि भएपछि त्यसको प्रभाव नेपाली बजारमा परेको छ ।

पहेंलो धातु सुनको मूल्यवृद्धिसँगै नयाँ रेकर्डसमेत कायम भएको छ । 

नेपाल सुनचाँदी व्यवसायी महासंघका अनुसार सोमवार नेपाली बजारमा छापावाल सुनमा मात्रै प्रतितोला १ हजार ५०० रुपैयाँले वृद्धि भएको छ ।

स्थानीय बजारमा सोमवार छापावाल सुन प्रतितोला ८० हजार ३०० रुपैयाँमा कारोबारभई नयाँ रेकर्ड कायम गरेको हो । आइतवार छापावाला सुन ७८ हजार ८०० रुपैयाँमा कारोबार भएको थियो । यो आइतवारको तुलनामा १ हजार ५०० रुपैयाँले बढी हो । 

तेजावी सुन प्रतितोला ८० हजार रुपैयाँमा कारोबार भइरहेको छ । आइतवार यो प्रतितोला ७८ हजार ५०० रुपैयाँमा कारोबार भएको थियो ।

चाँदीको मूल्य भने आइतवार प्रतितोला ९२० रुपैयाँमा कारोवार भएकोमा सोमवार प्रतितोला ९२५ रुपैयाँमा कारोबार भइरहेको छ ।