असोज ५, २०८०
वरिष्ठ मुटु रोग विशेषज्ञ डा. ओम मूर्ति ‘अनिल’द्वारा लिखित पुस्तक ‘जीवन्त सम्बन्ध’ लोकार्पण गरिएको छ। शुक्रबार राजधानीको बसुन्धरामा एक कार्यक्रमकाबीच लेखक डा. ओम मूर्तिकी आमा राजकुमा...
राष्ट्रपति विद्यादेवी भण्डारीले असल साहित्य सिर्जना गर्न साहित्यकारहरूलाई आग्रह गरेकी छन् ।
सुदूरपश्चिम साहित्य समाजको आयोजनामा बुधवारदेखि धनगढीमा शुरू भएको साताव्यापी विश्व नेपाली साहित्य महोत्सवको उद्घाटन सत्रलाई सम्बोधन गर्दै उनले सो आग्रह गरेकी हुन् ।
उनले भनिन्, ‘साहित्यले समाजका विकृति विसंगतिलाई औल्याउँदै सदाचार र नैतिकतालाई प्रवद्र्धन गर्ने भएकाले असल साहित्य सिर्जनाको लागि साहित्यकारहरू क्रियाशील रहनुपर्दछ ।’
राष्ट्रपति भण्डारीले भाषा र साहित्यलाई मानव जातिलाई जोड्ने साँघुको रुपमा रहेको पनि औंल्याएकी छन् । ‘साहित्यले विभिन्न सम्प्रदाय र समूहलाई एकतामा बाँध्न सहयोग पुर्याउँछ,’ उनले भनिन्, ‘अन्तर्राष्ट्रिय रुपमा राष्ट्र–राष्ट्रबीच र मानव जातिलाई जोड्न एउटा साँघुको काम गर्दछ ।’
आयोजकको प्रशंसा गर्दै राष्ट्रपति भण्डारीले शुरू भएको महोत्सवको माध्यमबाट विश्वभर छरिएर रहेका नेपाली भाषीबीच भाषिक तथा भावनात्मक एकता प्रवद्र्धनमा महत्त्वपूर्ण योगदान पुग्ने विश्वास व्यक्त गरिन् । उनले विश्व मानचित्रमा नेपाल र नेपालीको विशिष्ट पहिचान स्थापित गर्नमा मद्दत पुर्याउने दाबी गरिन् ।
शिक्षण संस्था, प्राज्ञिक केन्द्र र विश्वविद्यालयले साहित्य र भाषालाई प्रवद्र्धन गर्न मद्दत गर्ने भएकाले सम्पूर्ण शैक्षिक केन्द्रलाई सुदृढ गर्नतर्फ राज्यको ध्यान जानुपर्ने उनले बताइन् ।
सुदूरपश्चिम प्रदेश कला, संस्कृति र साहित्यको लागि उर्वर भूमि रहेको बताउँदै भाषा, साहित्य संरक्षणमा राज्यले सहयोग पुर्याउनुपर्नेमा जोड दिइन् ।
उद्घाटन सत्रलाई पूर्व प्रधानमन्त्री लोकेन्द्रबहादुर चन्द, उद्योग, वाणिज्य तथा आपूर्तिमन्त्री लेखराज भट्ट, सुदूरपश्चिम प्रदेशका मुख्यमन्त्री त्रिलोचन भट्ट, शताब्दी पुरुष सत्यमोहन जोशी, प्रतिनिधिसभा सदस्य नारदमुनि राना, पूर्व मन्त्री एनपी साउँदले शुभकामना मन्तव्य व्यक्त गरेका थिए ।
फागुन २० गतेसम्म चल्ने महोत्सवमा प्रत्येक दिन भाषा, साहित्य, राजनीति, समसामयिक सवालमा विभिन्न व्यक्ति, राजनीतिज्ञ, विषयविज्ञबीच समूह छलफल हुने आयोजक समाजका अध्यक्ष रामलाल जोशीले जानकारी दिए ।
साहित्यसँगै खाना महोत्सव
यसैबीच, सुदूरपश्चिम खाना महोत्सव पनि शुरू भएको छ । होटल व्यवसायी संघ कैलालीले साहित्य महोत्सवसँगै खाना महोत्सवको आयोजना गरेको छ ।
आयोजक संघका अध्यक्ष कलम बमले खाना महोत्सवमा ९ वटै जिल्लामा उत्पादन हुने मकै, कोदो, बेथे, फापर, जौंका परिकार र प्रदेशमा रहेका विभिन्न जातजातिका खानाहरू महोत्सवका मुख्य आकर्षणको रुपमा रहेका बताए ।
उनले स्थानीय उत्पादनलाई प्रयोग गरी स्थानीय उत्पादनलाई व्यावसायिक बनाउने र स्थानीय जनताको आयआर्जन बढाउनका लागि महोत्सव आयोजना गरिएको जानकारी दिए ।
महोत्सवमा २८ वटा खानाका र ९ वटा अन्य वस्तुको स्टल छन् । महोत्सव स्टल प्रवेश निःशुल्क गरिएको र स्टल समेत निःशुल्क गरिएको संघका महासचिव केशवदत्त पाण्डेयले बताए ।
‘मौलिक परम्परा, संस्कृति र प्रकृति सुदूरपश्चिमको गहना, पर्यटन प्रवद्र्धन गरी आर्थिक समृद्धि ल्याउने हाम्रो चाहना’ नाराका साथ आयोजना भएको खाना महोत्सवमा साढे ७ सय लिटरको भाँडोमा फाँडो पकाउन थालिएको छ ।
वरिष्ठ मुटु रोग विशेषज्ञ डा. ओम मूर्ति ‘अनिल’द्वारा लिखित पुस्तक ‘जीवन्त सम्बन्ध’ लोकार्पण गरिएको छ। शुक्रबार राजधानीको बसुन्धरामा एक कार्यक्रमकाबीच लेखक डा. ओम मूर्तिकी आमा राजकुमा...
गोपी मैनाली कविहरूले केका लागि कविता लेख्छन् भन्नेमा मत्यैक्यता पाइँदैन । कोही आनन्दका लागि भन्छन्, त कोही उपयोगिताका लागि । अझ कोही त अभिव्यञ्जनाको अर्को उद्देश्य नै हुँदैन भन्ने गर्छन् । ...
विसं २०७९ को मदन पुरस्कार प्राप्त गरेको ‘ऐँठन’ उपन्यासका लेखक विवेक ओझालाई गृहनगर टीकापुरमा विभिन्न संघसंस्थाले सम्मान गरेका छन् । ओझालाई नेपाल रेडक्रस सोसाइटी टीकापुर उपशाखा, उद्योग वाणिज्य सङ्घ, ...
पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...
त्यो शिक्षकले पढायो, नेता बन्न सिकायो र त आज देशको बागडोर चलाइरहेका छौ । त्यो शिक्षकले पढायो, कर्मचारी बन्न सिकायो र त आज देशको प्रशासन चलाइरहेका छौ । त्यो शिक्षकले पढायो, डाक्टर बन्न सिकायो र त आज हजारौ...
असोज तेस्रो साता बिहीबार, बुकीबाट गोठ औल झर्ने दिन । लाहुरेहरू आउनु र बुकीबाट गोठालाहरूको हुल गाउँमा झर्नु दशैंको रौनक हो । ‘भोलि साँझ डाँफे चराउन जाने’, सुत्ने बेला गोठमा सल्लाह भयो । घर...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...